Abalevi 18:24 - Baibuli Ekibono kya Katonda 2014

²⁴ “Mutakolanga ekindi ku bintu ebyo waire ekirala kiti, kuba kibafuula abatali balongoofu. Ebyo byonabyona n'ebyafuula abantu abamaghanga agandi agatantya okuba abatali balongoofu, ge ndi kubinga mu nsi eno okuleetamu imwe.

Abalevi 18:24 ပူးပေါင်းရင်းမြစ်များ

Amainhama 15:16

Mu nsi eyo balibaayo ghaabitagho ense ina memale baira ghano, kuba tija kubingagho Bamori okutuusa nga beeyongeire okuba ababi einho okugwanira okubonerezebwa.”

1 Bakyabazinga 9:7

olwo nditoola Abaisiraeli mu nsi ye mbaghaire, era naalekulira agho eisinzizo lino lye ntukwiza okunsinzizangamu. Isiraeli erifuuka eky'okwogeraku era yaafuuka enseko dh'abalamu mu maghanga goonagoona.

2 Ebyomubyanda 33:2

Yaakolanga ebibi eri Musengwa Katonda, ng'ajiira ku mpisa edheenhinhalwa edh'abamaghanga agandi Musengwa Katonda oyo be yabinga mu nsi eyo ng'Abaisiraeli bali kumpi okutuukayo.

Ezera 9:1

Ebyo bwe byawa, abandi ku bakulembeze ab'abantu Abaisiraeli baidha ye ndi, bankoba bati: “Bakabona, n'Abalevi, n'Abaisiraeli abandi, bakaali n'enkolagana n'abantu ab'omu biketezo bino mwe tuli. Bakola ebintu ebyenhinhalwa ng'oti n'Abakanaani, n'Abahitti, n'Abaperizzi, n'Abayebusi, n'Abammoni, n'Abamoabu, n'Abamisiri, n'Abamori bye bakola.

Zabbuli 106:39

Batyo beene beereetaku okuba aboonoonefu olw'ebikolwa byaibwe ebyo, era baava ku Katonda.

Yeremia 44:4

Ate nga natumanga ye muli abagheereza bange abalanzi aghazira kukoogha naire, babakobe bati, ‘Mutakola bintu ebyo ebyenhinhalwa bye nkyagha!’

Ezekieli 36:17

“Iwe omuntu, abantu ab'eighanga Isiraeli bwe baali mu nsi yaibwe, baagyonoona olw'emize gyaibwe n'ebibi bye baakola. Ensambo ye beebisangamu, nga ti nongoofu ng'oti n'omukazi bw'aba ng'ali mu biseera bye eby'okulwala.

Abalevi 18:3

Muteebisanga ng'abantu ab'e Misiri ye mwabanga, oba ng'abantu ab'omu nsi Kanaani, ye ndi kubatwala. Mutajiiranga ku mpisa dhaibwe.

Abalevi 18:30

“Kale mugonderenga bye mbalagira, mulobenga kujiiranga ku mpisa edho edheenhinhalwa, edh'abo abaabasooka okuba mu nsi eno, era mulobenga kwereetaku butali bulongoofu nga mukola ebyo. Ninze Musengwa Katonda waimwe.”

Okubala 35:34

Mutayonoonanga nsi ye mubaamu, ensi nze Musengwa Katonda mwemba kuba nze Musengwa Katonda mba mu bantu bange Abaisiraeli.”

1 Ab'e Korintho 3:17

Kale buli muntu azikiriza eisinzizo lya Katonda, Katonda alimuzikiriza kuba eisinzizo lya Katonda itukuvu era imwe beene niimwe eisinzizo eryo.

Amateeka Agokubiri 12:31

“Mutasinzanga Musengwa Katonda waimwe mu nsambo beene ye basinzaamu bakatonda baibwe, kuba bwe baba nga bali kusinza bakatonda baibwe, bakola buli kyenhinhasa Musengwa Katonda era ky'atayenderaku irala. Bookya n'abaana baibwe mu muliro, ng'emisengo eri bakatonda baibwe.

Amateeka Agokubiri 18:12

Kuba kiisi akola ebintu ng'oti n'ebyo, aba kyenhinhalwa ye Musengwa Katonda. Era olw'ebikolwa ebyo, Musengwa Katonda oyo ky'ali kuva n'abinga amaghanga ago mu biketezo bye muli kumpi okutuukamu.

Amateeka Agokubiri 9:4

“Musengwa Katonda waimwe bw'alimala okubinga abantu abo mu nsi eyo nga mukaali kutuukayo, mutakobanga mule muti, ‘Musengwa Katonda atuleese mu nsi eno okugitwala lwa kuba nga tugwaniire.’ Busa naire! Musengwa Katonda alibingamu abantu abo lwa bibi byaibwe.

Amateeka Agokubiri 9:5

Musengwa Katonda ali kubaleka okutwala ensi yaibwe, ti lwa kuba nga mugwaniire, oba nti mugondera ebiragiro bye. Aye beene ali kubabingamu, nga imwe mukaali kutuukayo, lwa bibi byaibwe, era lwa kuba ayenda okutuukiriza ekisuubizo, kye yasuubiza badhaadha baimwe, Aburahamu, Isaaka, ni Yakobo.

Abalamuzi 20:10

Abasaadha ikumi ku buli kikumi mu bika bya Isiraeli baidha kuleetera abalwani emere, abandi boonaboona baje beesasuulize ku Gibea ekya Benjamini, olw'ekikolwa ekyo eky'obudankaanu kye baakola mu Isiraeli.”

Abalamuzi 20:5

Abasaadha ab'e Gibea baanumba, baazingiza endhu mwe nali obwire, baagyezunguluza. Baali benda kundhita, aye baamala baika ku mukazi wange baamukaka, yaafa.

Abalamuzi 20:6

Naatwala omulambo gwe, naagusalasalamu ebitundu, naagheereza mu biketezo byonabyona ebyagheebwa Isiraeli ng'omugabo kuba baakola ekyenhinhalwa era eky'obudankaanu mu Isiraeli.