Abalevi 17:8 - Baibuli Ekibono kya Katonda 2014

⁸ “Era bakobe oti, ‘Omuisiraeli oba omusenze yeenayeena eyasenga mu Isiraeli, bw'anaaghangayo ekigheebwayo ekyokebwa oba omusengo,

Abalevi 17:8 ပူးပေါင်းရင်းမြစ်များ

2 Samueli 24:25

Era yaazimbira agho Musengwa Katonda alutaari yaagheerayo ebigheebwayo ebyokebwa n'ebigheebwayo olw'okutabagana. Kale Musengwa Katonda yaabagha bye baasabira ensi era yaalekeza n'ekibamba ekyali kiri kwita abantu mu Isiraeli.

Abalevi 17:10

“Omuisiraeli oba omusenze yeenayeena eyasenga mu Isiraeli bw'anaalyanga ku musaayi, ndidha kumukyaghanga era mbenga nga tikaamubalira mu bantu bange.

Abalevi 17:4

n'atagireeta ku mulyango ogw'Eweema ey'Okwagaananirangamu ni Musengwa Katonda okugighaayo ng'ekigheebwayo mu maiso ga Musengwa Katonda, anaavunaanibwanga omusango ogw'okuyugha omusaayi. Era anaabanga nga takaabalirwa mu bantu ba Musengwa Katonda.

Abalevi 17:7

Kale Abaisiraeli tibaidha kwongeranga kuba batali beesigwa eri Musengwa Katonda, nga baghaayo emisengo gyaibwe eri emisambwa egiri ng'oti mbuzi. Eiteeka eryo banaalikuumanga enaku dhoonadhoona.’

Abalevi 17:9

n'atakireeta ku mulyango gw'Eweema ey'Okwagaananirangamu ni Musengwa Katonda okukighaayo eri Musengwa Katonda, anaabanga nga takaabalirwa mu bantu ba Musengwa Katonda.’

Abalevi 3:7

Omuntu oyo bwanaabanga ng'ali kughaayo entaama ento, anaagigheerangayo mu maiso ga Musengwa Katonda.

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Yoshua 22:11

Abaisiraeli bale abandi baakoberwa bati: “Muwulire! Abareubeni, n'Abagadi, n'Abamanasse ab'e buvandhuba, baazimba alutaari e Gelilothi ku luuyi olwaife olwa Yorudani!”

Yoshua 22:15

Baatuuka e Gileadi eri Abareubeni, n'Abagadi, n'ekitundu ku Bamanasse ab'e Buvandhuba.

Yoshua 22:16

Agho boonaboona baabakoba bati: “Tuli kwogera mu liina ly'abantu ba Musengwa Katonda boonaboona tuti, lwaki mukoze ekintu kino ekibi Katonda wa Isiraeli ky'atenda? Okuzimba alutaari eno kitegeeza muli kudheemera Musengwa Katonda, mwalekera agho okukola by'ayenda.

Abalamuzi 6:26

Olwo ozimbire Musengwa Katonda wo alutaari ghaigulu ku kigulumo kino, ng'okozesa amabaale agataanhiibwa obukalamu. Era, olwo otoole ente ere eyokubiri ogigheeyo ng'ekigheebwayo ekyokebwa, ng'ogyokesa enku edh'empagi ere eya Ashera y'otemyetemye.”

1 Samueli 10:8

Oidha kuja e Giligali oneesookengayo. Eyo ye ndidha okukwagaana, mpeeyo ebigheebwayo ebyokebwa n'emisengo egigheebwayo olw'okutabagana. Oidha kunteegera eyo okumala enaku musanvu, memale ndidhe nkulage eky'okukola.”

1 Samueli 16:2

Samueli yaakoba ati: “Nsobola ntya okuja eyo? Saulo bw'alikiwulira aja kundhita!” Musengwa Katonda yaamukoba ati: “Ja n'ente ento, olikoba oti, ‘Ndidhie kughaayo musengo eri Musengwa Katonda.’

1 Samueli 7:9

Kale Samueli yaatoola entaama ekaayonka yaagiita, yaagighaayo eri Musengwa Katonda ng'ekigheebwayo ekyokebwa kyonakyona ni kiwaagho. Samueli oyo yaalirira Musengwa Katonda ku lwa Isiraeli, era Musengwa Katonda yaamwiramu.