Abalevi 17:5 - Baibuli Ekibono kya Katonda 2014

⁵ Ekinuyirirwa mu iteeka lino, n'Abaisiraeli okuleetanga eri Musengwa Katonda ensolo dhaibwe dhe babaire baitiranga mu nsiko eyo, badhireetenga eri kabona, badhiite, dhibe emisengo egigheebwayo eri Musengwa Katonda olw'okutabagana.

Abalevi 17:5 ပူးပေါင်းရင်းမြစ်များ

Amainhama 21:33

Aburahamu yaasimba omuti omutamarisiki mu Beerisheba, era yaasinziza eyo Musengwa Katonda, Katonda oyo atawaagho.

Amainhama 22:13

Aburahamu yaja okulinga ati einhuma we, ng'abona entaama enume ng'amayiga gaayo galaaliire mu kisaka. Yaaja, yaagitoolayo, yaagighaayo ng'ekigheebwayo ekyokebwa, mu kifo ky'omwana we.

Amainhama 22:2

Katonda yaamukoba ati: “Twala Isaaka omwana wo omulala ati bedengedenge era y'ogonza, oje mu nsi ey'e Moria. Eyo y'oidha okumugheerayo ng'ekigheebwayo ekyokebwa ku lusozi lwe ndikulaga.”

Amainhama 31:54

Yakobo yaagheera eyo omusengo ku lusozi olwo, yaayeta aboluganda lwe okulya emere. Baalya era baasula eyo ku lusozi.

1 Bakyabazinga 14:23

Baamusungughaza kuba boona beezimbira ku buli lusozi olugulumivu, na buli ghansi mu kinsense kya muti muzibirivu, baataagho ebifo ebigulumivu eby'okusinzizaamu, n'empango, n'ebifaananie eby'omusambwa omukazi, Ashera.

1 Bakyabazinga 3:2

Okutuusa mu kiseera ekyo, abantu baali nga bakaagheerayo emisengo mu bifo ebigulumivu eby'okusinzizaamu, kuba ghaali nga ghakaali kuzimbwagho ndhu ya kusinzizangamu Musengwa Katonda.

1 Bakyabazinga 3:3

Solomoni yagonzanga Musengwa Katonda ng'ajiira ku ebyo lata we Daudi bye yamusikirira. Aye era Solomoni oyo, yeena yagheerangayo emisengo era yaaniokezanga obubbaani mu bifo ebigulumivu eby'okusinzizaamu.

2 Bakyabazinga 16:4

Yaaghangayo emisengo era yaaniokezanga obubbaani mu bifo ebigulumivu eby'okusinzizaamu, ni ku nsozi, na buli ghansi mu kinsense kya muti muzibirivu.

2 Bakyabazinga 17:10

Baasimba empango n'ebifaananie eby'omusambwa omukazi, Ashera, ku buli lusozi olugungumavu, na buli ghansi mu kinsense kya muti muzibirivu.

2 Ebyomubyanda 28:4

Yaaghangayo emisengo era yaaniokezanga obubbaani mu bifo ebigulumivu eby'okusinzizaamu, ni ku nsozi, na buli ghansi mu kinsense kya muti muzibirivu.

Okuvaayo 24:5

Yaatuma abaisuka Abaisiraeli baaja baaghaayo ye Musengwa Katonda ebigheebwayo ebyokebwa n'emisengo egy'okutabagana, nga baghaayo ente.

Ezekieli 20:28

Bwe nabatuusa mu nsi nze mwene ye neerayirira okubagha, ng'olwo buli ghe baabonanga akasozi akagulumivu oba omuti ogw'amakaba amangi amazibirivu, ng'agho bagheeragho emisengo gyaibwe. Ebigheebwayo byaibwe bye baagheeranga mu bifo ebyo, n'obuwoowo bwe baaniokezangayo, era n'ebigheebwayo eby'okunhwa bye baafukangayo, byansungughazanga busungughaze.

Ezekieli 22:9

Mu iwe mulimu abantu abaghaayiriza banaibwe olw'okwenda okubaitisa, mwabaamu abalya ku misengo gye bagheerayo mu masabo ku nsozi, mwabaamu n'abeesanhusa n'okukola obwenzi.

Ezekieli 43:27

Bwe balimala okukola batyo mu nnaku omusanvu edho, olwo okuviira irala ku lunaku olwomunaana n'okweyongerayo, bakabona baligheerangayo ku alutaari eyo ebigheebwayo byaimwe ebyokebwa, n'ebigheebwayo olw'okutabagana. Era nze ndibasiimanga imwe abantu bange. Nze Musengwa Katonda ninze nkobye.”

Ezekieli 44:15

Musengwa Katonda era yaakoba ati: “Aye ghaligho bakabona Abalevi ab'oku nda ya Zadoki, abaasigala nga bakampeereza mu isinzizo lyange n'obwesigwa mu kiseera Abaisiraeli abandi boonaboona kye banviiraku ni badaaliima. Bakabona abo n'abaidha okumpeerezanga nga baseeta ye ndi okughaayo amasavu n'omusaayi eby'emisengo.

Abalevi 17:4

n'atagireeta ku mulyango ogw'Eweema ey'Okwagaananirangamu ni Musengwa Katonda okugighaayo ng'ekigheebwayo mu maiso ga Musengwa Katonda, anaavunaanibwanga omusango ogw'okuyugha omusaayi. Era anaabanga nga takaabalirwa mu bantu ba Musengwa Katonda.

Abalevi 17:6

Agho kabona aidha kumansiranga omusaayi ku alutaari ya Musengwa Katonda, ku mulyango gw'Eweema ey'Okwagaananirangamu ni Musengwa Katonda, era yaayokya amasavu, gaavaamu akawoowo akasangaaza Musengwa Katonda.

Amateeka Agokubiri 12:2

Muli n'okuzikiriza ebifo byonabyona, ab'amaghanga ge muja okutwala mwe basinziza bakatonda baibwe: ku nsozi enene, ni ku busozi obutono, ni ghansi mu binsense by'emiti emizibirivu.