Abalevi 17:4 - Baibuli Ekibono kya Katonda 2014

⁴ n'atagireeta ku mulyango ogw'Eweema ey'Okwagaananirangamu ni Musengwa Katonda okugighaayo ng'ekigheebwayo mu maiso ga Musengwa Katonda, anaavunaanibwanga omusango ogw'okuyugha omusaayi. Era anaabanga nga takaabalirwa mu bantu ba Musengwa Katonda.

Abalevi 17:4 ပူးပေါင်းရင်းမြစ်များ

Amainhama 17:14

Omusaadha yeenayeena atali mukekete, ataakeketebwa luwutu lwa mubiri gwe, aidha kwawulwanga ku bantu be, kuba anaabanga amenhie endagaano yange.”

Zabbuli 32:2

Wa nkabi oyo Musengwa Katonda y'abala ng'azira kibi, era nga mu mwoyo gwe muzira buguya.

Okuvaayo 12:15

“Mwidha kumalanga enaku musanvu nga mulya migaati egitazimbulukusiibwa gyonka. Ku lunaku olusooka mu edho omusanvu, muli n'okutoola mu ndhu dhaimwe kiisi kizimbulukusa kyonakyona. Omuntu yeenayeena anaalyanga omugaati oguzimbulukusiibwa mu nnaku edho omusanvu, anaabanga nga takaabalirwa mu Baisiraeli.

Okuvaayo 12:19

Mwidha kumalanga enaku musanvu nga timuba na kizimbulukusa mu ndhu dhaimwe. Era omuntu yeenayeena anaalyanga omugaati oguzimbulukusiibwa mu nnaku edho, anaabanga nga takaabalibwa nga Muisiraeli, k'abe musenze oba Muisiraeli.

Okuvaayo 30:33

Omuntu yeenayeena atabula omuzigo ogugufaananaku oba agukozesa ku muntu atali kabona, anaabanga takaabalirwa mu bantu bange.’ ”

Okuvaayo 30:38

Omuntu yeenayeena alikozesa entabula eyo ng'akola bizigo bya kwesiiga bwesiige, anaabanga takaabalirwa mu bantu bange.”

Isaia 66:3

“Ghaligho abantu abasalagho okukola ebintu nga bwebenda, nga tibataagho ndhawulo naire ghagati gha kino ni kire: Ole okughaayo ente ng'omusengo, akibona nga n'ekirala n'ole aghaireyo omuntu. Ole okughaayo entaama ento ng'omusengo, akibona nga n'ekirala n'ole amenha enkoto y'embwa. Ole okuleeta ekigheebwayo eky'emere ey'empeke, akibona nga n'ekirala n'ole aghaireyo omusaayi gw'embiidhi. Ole okuniokeza obubbaani, akibona nga n'ekirala n'ole asaba enkabi eri ekisinzibwa ekitali Katonda. Abantu abo kye benda kye bakola, era basanhukira inho ebyenhinhalwa bye bakola.

Ezekieli 20:40

“Mu kifo eky'okusinza ebyo, mwenamwena mulisinzanga nze Musengwa Katonda waimwe, ku lusozi lwange olutukuvu, olusozi oluleeyi olw'omu nsi Isiraeli. Eyo ye ndibasangaalira, era naasiima ebirabo byaimwe ebisinga kuba birungi, ghalala n'ebigheebwayo byaimwe ebitukuvu.

Abalevi 1:3

Bw'anaabanga ng'aja kughaayo musengo ogwokebwa gwonagwona ni guwaagho ng'atoola mu nte dhe, aidha kughangayo enume eziraku kikyamu kyonakyona. Anaagigheerangayo ku mulyango gw'Eweema ey'Okwagaananirangamu ni Musengwa Katonda, olwo Musengwa Katonda oyo asobole okumusiima.

Abalevi 17:10

“Omuisiraeli oba omusenze yeenayeena eyasenga mu Isiraeli bw'anaalyanga ku musaayi, ndidha kumukyaghanga era mbenga nga tikaamubalira mu bantu bange.

Abalevi 17:14

Kuba obulamu bwa buli kintu ekiri n'omubiri, buba mu musaayi. Kye nviire ni nkoba Abaisiraeli nti, ‘Mutalyanga ku musaayi gwa kintu waire ekirala ekiri n'omubiri, kuba obulamu bwakyo, n'omusaayi gwakyo. Kiisi anaagulyangaku, nnaabanga nga tikaamubalira mu bantu bange.’

Abalevi 17:3

Omuisiraeli anaitiranga aghantu aghandi ente oba entaama oba embuzi,

Abalevi 17:5

Ekinuyirirwa mu iteeka lino, n'Abaisiraeli okuleetanga eri Musengwa Katonda ensolo dhaibwe dhe babaire baitiranga mu nsiko eyo, badhireetenga eri kabona, badhiite, dhibe emisengo egigheebwayo eri Musengwa Katonda olw'okutabagana.

Abalevi 17:9

n'atakireeta ku mulyango gw'Eweema ey'Okwagaananirangamu ni Musengwa Katonda okukighaayo eri Musengwa Katonda, anaabanga nga takaabalirwa mu bantu ba Musengwa Katonda.’

Abalevi 18:29

Kuba kiisi anaakolanga ekyenhinhalwa kyonakyona ku ebyo, anaabanga nga takaabalirwa mu bantu bange.

Abalevi 20:16

N'omukazi bw'anaabanga n'ensolo mu nsambo abasaadha ye baba n'abakazi mu buliri, anaitibwanga era n'ensolo eyo yoona yaitibwa mwene era n'ensolo eyo n'abanaabanga nga beereeteire okwitibwa.

Abalevi 20:18

Omusaadha bw'anaabanga n'omukazi mu buliri ng'ali mu biseera bye eby'okulwala, bombi banaabanga nga tibakaabalirwa mu bantu bange, kuba bamenhie amateeka agagema ku bulongoofu.

Abalevi 20:3

Era zeena ndyefuulira omuntu oyo naamuboola naalekera agho okumubalira mu bantu bange, olw'okughaayo omwana we eri Moleki n'ayonoona Ekifo kyange Ekitukuvu, era n'ayonoona eriina lyange eitukuvu.

Abalevi 3:2

Omuntu oyo aidha kutanga omukono gwe ku mutwe gwayo, era anaagiitiranga agho ku mulyango gw'Eweema ey'Okwagaananirangamu ni Musengwa Katonda. Agho bakabona ab'oku lulyo lwa Aaroni banaamansiranga omusaayi gwayo ku ndhuyi dhoonadhoona edh'alutaari.

Abalevi 7:18

Emamba eyo bw'enaaliibwangaku ku lunaku olwokusatu, Musengwa Katonda taasiimenga kigheebwayo ekyo, era n'oyo akighaireyo taasiimibwenga. Emamba eyo enaatwalibwanga okuba ekyenhinhalwa, era kiisi anaagiryangaku, anaabonerezebwanga.

Yoanne 10:7

Agho Yesu kabiri yaabakoba ati: “Bwenebwene ka mbakobere, ninze omulyango gw'entaama.

Yoanne 10:9

Ninze omulyango, yeenayeena abita mu nze ng'aingira, aliwona yaingira era yaafuluma, era yaafuna n'eby'okulya.

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.

Ab'e Roma 4:6

Kino Daudi kye yali akoba bwe yayogera ku mukisa gw'omuntu Katonda y'abala okuba omutuukirivu nga ghazira ky'akoze, ng'akoba ati:

Ab'e Roma 5:13

Ekibi kyaligho mu nsi ng'Amateeka gakaali kugheebwa, aye aghazira Mateeka ghazira avunaanwa kibi.

Ab'e Roma 5:20

Amateeka gaidha ekibi kyeyongere. Aye ekibi ye kyakoma okweyongera, n'ekisa kya Katonda ye kyakoma okweyongera.

Amateeka Agokubiri 21:8

Wo Musengwa Katonda, sonigha abantu bo Abaisiraeli be wanunula, olobe kubavunaana kutemula muntu aziraku musango.’