Abalevi 17:13 - Baibuli Ekibono kya Katonda 2014

¹³ “Omuisiraeli oba omusenze yeenayeena eyasenga mu Isiraeli, bw'anaayiiganga ensolo oba enhonhi eikirizibwa okuliibwa, anaafukanga omusaayi gwayo yaagughembaku eitaka.

Abalevi 17:13 ပူးပေါင်းရင်းမြစ်များ

Yobu 16:18

“Iwe ensi otalobera musaayi gwange, n'ogulobera kululuma; otaganha kulira kwange kusirisibwa.

Ensambo 6:26

Kuba ole asobola okukozesa malaaya ng'amughaire bwa mpiiya dhigula kya kulya, aye ole akwana muka beene aghaayo bulamu bwe bwene.

Ezekieli 24:7

Omusaayi ogw'abantu be baatemula gukaali mu kibuga ekyo. Tibaaguyugha mu nkungu n'egughembaku. Aye baaguyugha bwa ku lubaale lwereere.

Abalevi 17:12

Kye nviire ni nkoba Abaisiraeli nti, Ghatabangagho waire omulala ku imwe alya omusaayi, era n'omusenze eyabasengamu yeena atalyanga musaayi.

Abalevi 7:26

Era woonawoona ghe munaabanga, mutalyanga ku musaayi gwonagwona, ka gube gwa nhonhi oba gwa nsolo.

Amateeka Agokubiri 12:16

Aye mutalyanga ku musaayi gwa nsolo yoonayoona. Mwidha kuguyughanga bwa ku itaka ng'oti maadhi.

Amateeka Agokubiri 12:24

Mutalyanga musaayi. Muguyughenga bwa ku itaka ng'oti maadhi.

Amateeka Agokubiri 15:23

Aye mutalyanga ku musaayi gwadho. Mwidha kuguyughanga bwa ku itaka ng'oti maadhi.”