Abalevi 17:10 - Baibuli Ekibono kya Katonda 2014

¹⁰ “Omuisiraeli oba omusenze yeenayeena eyasenga mu Isiraeli bw'anaalyanga ku musaayi, ndidha kumukyaghanga era mbenga nga tikaamubalira mu bantu bange.

Abalevi 17:10 ပူးပေါင်းရင်းမြစ်များ

Amainhama 9:4

Aye kye mutateekwa kulya, n'emamba ng'erimu omusaayi; kuba omusaayi n'obulamu.

2 Samueli 23:17

ng'akoba ati: “Wo Musengwa Katonda, tikiribaagho nze okukola ekintu ng'oti n'ekyo. Olwo mba ng'ali kunhwa omusaayi ogw'abasaadha bano abaghaireyo obulamu bwaibwe ni baja okuganona!” Kale yaaloba kuganhwa. Ebyo n'ebikolwa abalwani abo abasatu ab'amaani bye baakola nga baziramu ntete naire.

Zabbuli 34:16

Aye abo abakola ebibi abakambughalira, bwe bafa abantu ab'oku nsi baabeerabira.

Okuvaayo 30:33

Omuntu yeenayeena atabula omuzigo ogugufaananaku oba agukozesa ku muntu atali kabona, anaabanga takaabalirwa mu bantu bange.’ ”

Yeremia 21:10

Namala okusalagho obutasaasira kibuga kino, okutoolaku okukizikiriza nga nkighaayo mu ngalo dha kyabazinga ow'e Babilonia akyokye omuliro kiweeregho irala. Nze Musengwa Katonda, ninze nkobye.’ ”

Yeremia 44:11

“Kale ni, nze Musengwa Katonda Afuga Amagye, Katonda wa Isiraeli, nja kubeefuulira nzikirize Buyudaaya yoonayoona.

Ezekieli 14:8

Ndimwefuulira naamukyagha, naamufuula akamanhiso ak'okulabulanga abandi era eky'okuyeeyereza. Era ndimuboola naalekera agho okumubalira mu bantu bange, memale olwo mwamanha nga ninze Musengwa Katonda.

Ezekieli 15:7

Ndibeefuulira naababonereza ni bwe balirumuka batya okuwona omuliro, era gulibookya. Kale ni bwendyefuulira abantu abo ni mbabonereza, mulimanha nga ninze Musengwa Katonda.

Ezekieli 33:25

“Agho ni bakobere oti nze Musengwa Katonda nkoba nti: Mulya emamba ng'ekaalimu n'omusaayi gwayo, mwasinza ebintu ebisinzibwa ebitali nze Katonda, era mwatemula abantu. Era mwalowooza muti mulitwala ensi eno yaaba yaimwe?

Ezekieli 44:7

Boonoona eisinzizo lyange eitukuvu nga baganha abagwira abatali bakekete okulingiramu. Abantu abo abatajiira ku mateeka gange naire, baja baingira mu isinzizo nga n'abantu bange bali kughaayo ye ndi amasavu n'omusaayi, ebiva mu misengo gye bampeereza. Olwo abantu bange abo baamenha endagaano yange olw'ebyenhinhalwa ebyo byonabyona abantu abo bye bakola.

Abalevi 17:11

Obulamu bwa buli kintu ekiri n'omubiri buba mu musaayi. Eyo n'ensonga lwaki nabalagira okugufukanga ku alutaari olw'okutoola ku bantu ebibi byaibwe. Omusaayi, n'obulamu, era n'ogutoolagho ebibi.

Abalevi 19:26

“Mutalyanga mamba ng'ekaalimu omusaayi. Mutakolanga bya bulogo oba eby'okulagulwa.

Abalevi 26:17

Imwe ndibeefuulaku, mwaghangulwa abazigu baimwe, mwafugibwa abantu abatabenda. Munaabanga n'entiisa, mwalumuka nga ghazira n'ali kubabinga.

Abalevi 3:17

Mutalyanga ku masavu oba ku musaayi; eryo n'erinaabanga eiteeka ery'olubeerera, lye munaakuumanga buli ghe munaabanga enaku dhoonadhoona.”

Amosi 9:4

Ni bwebalitwalibwa abazigu baibwe mu bunhage, era nja kulagira abantu babaite. Mmaliriire okubakola akabi, se ti kubayamba.”

Ebikolwa by'Abatume 15:20

Aye tubaghandiikire tubakobe beeghale okutwalirizibwa ebisinzibwa ebitali Katonda, obwenzi, ebitugiibwa waire omusaayi.

Ebikolwa by'Abatume 15:29

Mweghalenga okughangayo emisengo eri ebisinzibwa ebitali Katonda, mweghalenga okulya omusaayi, mweghalenga okulya ebitugiibwa, mweghalenga n'obwenzi. Bwe muneeghala ebintu ebyo munaaba mukoze bukalamu.”

Amateeka Agokubiri 12:16

Aye mutalyanga ku musaayi gwa nsolo yoonayoona. Mwidha kuguyughanga bwa ku itaka ng'oti maadhi.

Amateeka Agokubiri 12:23

Aye mwegenderezenga mulobe kulya ku musaayi, kuba omusaayi n'obulamu. Kale ni mutalyanga bulamu ghalala na mamba.

Amateeka Agokubiri 15:23

Aye mutalyanga ku musaayi gwadho. Mwidha kuguyughanga bwa ku itaka ng'oti maadhi.”

Abaheburayi 10:29

Kale mulowooza ekibonerezo tikirisingagho bukambwe eky'omuntu oyo atyankirira Omwana wa Katonda, era atwala omusaayi ogw'endagaano ogwamutukuza n'agubona ng'ogutali mutukuvu, era n'adhooga Mwoyo ow'ekisa?

1 Samueli 14:32

Baagwidhubanira ku munhago, baatoola entaama n'ente baadhiitira agho, baalya emamba ng'erimu n'omusaayi.

1 Samueli 14:33

Agho baakobera Saulo bati: “Bonayo, abantu bali kukola ekibi eri Musengwa Katonda nga balya emamba ng'erimu n'omusaayi.” Saulo yaabakoba ati: “Mughemukiire Musengwa Katonda mwalekera okuba abeesigwa y'ali. Mungalangulire eibaale eikologho mulindeetere ghano.”