Abalevi 16:5 - Baibuli Ekibono kya Katonda 2014

⁵ “Abantu Abaisiraeli banaaghanga Aaroni embuzi enume ibiri edh'ekigheebwayo olw'ebibi, n'entaama enume ndala ey'ekigheebwayo ekyokebwa.

Abalevi 16:5 ပူးပေါင်းရင်းမြစ်များ

2 Ebyomubyanda 29:21

Baaleeta ente enume musanvu, n'entaama enume musanvu, n'entaama ento musanvu, n'embuzi enume musanvu. Ebyo nga n'ekigheebwayo olw'ebibi, ku lw'obwakyabazinga, ni ku lw'eisinzizo, ni ku lwa Buyudaaya. Era yaalagira bakabona baidhukulu b'Aaroni okubigheerayo ku alutaari.

Ezera 6:17

Era ku mukolo ogwo baaghaayo ente enume kikumi (100), entaama enume ebikumi bibiri (200), n'entaama ento ebikumi bina (400). Baaghaayo n'embuzi enume ikumi na ibiri (12), embuzi ndalandala olwa buli kika kya Isiraeli, kibe ng'ekigheebwayo olw'ebibi eby'Abaisiraeli boonaboona.

Abalevi 1:10

“Bw'anaabanga ng'aja kughaayo musengo ogwokebwa omulomba, ng'atoola mu ntaama dhe oba mu mbuzi dhe, aidha kughangayo enume eziraku kikyamu kyonakyona.

Abalevi 4:3

Omukulu wa Bakabona bw'anaabanga nga n'akoze ekibi, mu nsambo eyo n'aleeta ku bantu omusango, aidha kughangayo eri Musengwa Katonda olw'ekibi kye, ente enume entototo ng'eziraku kikyamu kyonakyona.

Abalevi 8:14

Agho Musa yaaleeta ente egheebwayo olw'ebibi, Aaroni ni batabane be baata emikono gyaibwe ku mutwe gwayo.

Abalevi 8:2

“Twala Aaroni ni batabane be, otwale n'ebivaalo, n'omuzigo ogusiigibwa, n'ente ey'ekigheebwayo olw'ebibi, n'entaama enume eibiri, n'ekiibo ekirimu emigaati egitazimbulukusiibwa.

Abalevi 9:2

yaakoba Aaroni ati: “Twala ente enume ento, n'entaama enume, dhombi nga dhiziraku kikyamu kyonakyona, oje odhigheeyo eri Musengwa Katonda ente eyo enume ebe ekigheebwayo olw'ebibi, n'entaama eyo enume ebe ekigheebwayo ekyokebwa.

Okubala 29:11

Era mughengayo embuzi enume ndala ng'ekigheebwayo olw'ebibi, olw'okutoolebwaku ebibi byaimwe. Mubighengayo ghalala n'ekigheebwayo ekijiiraku eky'emere ey'empeke n'ekigheebwayo ekijiiraku eky'ebyokunhwa, nga mwongereza ku kigheebwayo ekyokebwa ekya buli lunaku.

Ab'e Roma 8:3

Amateeka kye gataasobola kukola olw'obunafu bw'obuntu Katonda yakikola. Yaasingisa ekibi ekiri mu mubiri omusango, bwe yatuma Omwana we mwene ng'ali n'omubiri ogufaananira irala n'omubiri ogukola ebibi, aidhe aghangule ekibi.