Abalevi 16:4 - Baibuli Ekibono kya Katonda 2014

⁴ Anaamalanga kunaaba mubiri mu maadhi, yaavaala ebivaalo ebitukuvu eby'engoye empegheevu: ekanzu empale, olusibiro, n'ekitambaala ku mutwe.

Abalevi 16:4 ပူးပေါင်းရင်းမြစ်များ

Okuvaayo 28:2

Era oidha kukolera muganda wo oyo Aaroni ebivaalo ebiidhwire obutukuvu ebimugheesa ekitiisa, era ni bimubonesa obulungi.

Okuvaayo 29:4

Agho oleete Aaroni ni batabane gha mulyango ogw'Eweema ey'Okwagaananirangamu ni Musengwa Katonda, obanaaze n'amaadhi.

Okuvaayo 30:20

Bwe banaabanga nga baja mu Weema ey'Okwagaananirangamu ni Musengwa Katonda, oba okuja gha alutaari okukola egy'obwakabona, nga bookya ekigheebwayo eri nze Musengwa Katonda, baidha kunaabanga n'amaadhi balobe kufa.

Okuvaayo 40:12

“Agho oidha kuleeta Aaroni ni batabane ku mulyango ogw'Eweema Entukuvu okole omukolo ogw'okubanaaza n'amaadhi.

Isaia 53:2

Omugheereza wa Musengwa Katonda oyo yakulira mu maiso ga Musengwa Katonda, ng'oti n'ekisimbe ekito ekisimba emizi mu itaka eikalu. Yali agho atyo ng'aziraku kisikiriza naire: tiyaliiku munhiriro ogwandituleeteire okumulingirira, oba okuba omulungi mu mboneka, ekyandituleeteire okumwegomba.

Ezekieli 44:19

Bwe banaabanga nga bafuluma okuja mu luya olw'okuliya eri abantu, baidha kutoolangamu ebivaalo bye bakozesa mu kugheereza babirekenga mu bisenge ebitukuvu, bamale baavaalenga ebivaalo ebindi. Olwo ebivaalo byaibwe ebitukuvu birobenga kukola kabi ku bantu.

Ezekieli 9:2

Naja okulinga nti, nga mbona abasaadha mukaaga nga bali kuviira mu mulyango ogw'eisinzizo ogw'eitale, ogulingiriire ku luuyi olw'omukono omugooda olw'e buvandhuba. Buli muntu yali agemye mu ngalo ky'aja okwitisa. Baali n'omuntu owundi eyali avaire engoye empegheevu, era ng'ali n'ebintu eby'okughandiikisa. Abantu abo boonaboona bangira, baayemerera gha mbali gh'alutaari ey'ekyuma eky'ekikomo.

Abalevi 16:23

“Agho Aaroni aidha kwingiranga mu Weema ey'Okwagaananirangamu ni Musengwa Katonda, atoolemu ebivaalo ebighegheevu bye yavaire ng'aingira mu Kifo Ekitukuvu, era abireke omwo.

Abalevi 16:24

Anaanaabiranga omubiri mu Kifo Ekitukuvu ekyo, yaavaala ebivaalo bye ebyabuliidho, yaafuluma, yaaghaayo ekigheebwayo ekyokebwa ekikye, n'ekigheebwayo ekyokebwa eky'abantu, olw'okutoolagho ebibi ebibye n'eby'abantu boonaboona.

Abalevi 16:32

Kabona eyasiigibwa omuzigo n'ayawulibwa okuba kabona mu kifo kya ise, n'anaakolanga omukolo ogw'okutukuza ng'avaire ebivaalo ebighegheevu ebitukuvu.

Abalevi 6:10

Agho kabona anaavaalanga ekivaalo eky'olugoye olughegheevu, n'empale ey'olugoye olughegheevu, era yaatoola eivu eriva ku kigheebwayo ekyokeibwa ku alutaari, yaalita gha mbali gh'alutaari eyo.

Abalevi 6:3

oba ng'aboine ekintu ekyabula yaakyeiriza, era yaalayira ebiziramu ati takibonangaku.

Luka 1:35

Malaika yaamwiramu ati: “Mwoyo Mutukuvu aidha kukwikaku, n'amaani g'oyo Ali Ghaigulu Yeene gaidha kukuboghera, kyova ky'olizaala, ekitukuvu, kiryetebwa Mwana wa Katonda.

Ab'e Filippi 2:7

Mu kifo ky'ekyo, mwene yeetoolaku ekitiisa kye kyonakyona kyeyendere, yaafuuka mugheereza. yaazaalibwa ng'omuntu, yaaba mu kifaananie eky'omuntu.

Abaheburayi 10:22

tuseete ye Katonda n'omwoyo oguziramu buguya, ogwidhwire okwikiriza, nga n'emyoyo gyaife gyamwirwa okuva mu bubi, era nga n'emibiri gyaife ginaaziibwa n'amaadhi amatukuvu.

Abaheburayi 2:14

Kale, ng'abo Yesu b'ayeta abaana bwe bali abantu obuntu, yeena mwene yafuuka omuntu nga beene. Yakola atyo asobole okufa, era ng'abita mu kufa kwe azikirize Sitaani, ali n'obukumu ku kufa.

Abaheburayi 7:26

Kyali kituufu tube n'Omukulu wa Bakabona ali atyo omutukuvu, aziraku musango, aziraku kimyamya, eyayawulwa okuva ku babi, era Katonda ye yagulumiza mu igulu.