Abalevi 16:34 - Baibuli Ekibono kya Katonda 2014

³⁴ Eiteeka eryo munaalikuumanga enaku dhoonadhoona, nga mutaagho omukolo ogw'okutukuza, omukuzi mulala buli mwaka, olw'okutoola ku Baisiraeli ebibi byaibwe.” Musa yaakola nga Musengwa Katonda bweyamulagira.

Abalevi 16:34 ပူးပေါင်းရင်းမြစ်များ

Okuvaayo 27:21

Buli igulo Aaroni ni batabane baidha kugikunaanianga bagireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi y'Esanduuku ey'Endagaano, mu Kifo Ekitukuvu Einho, agho mu Weema ey'Okwagaananirangamu ni Musengwa Katonda. Eiteeka eryo linaakuumibwanga Abaisiraeli boonaboona ense n'ense.”

Okuvaayo 30:10

alutaari eyo eidha kutukuzibwanga omukuzi mulala buli mwaka, aghazira kulekera ense n'ense. Aaroni aidha kugitukuzanga ng'akozesa omusaayi oguva ku nsolo enaagheebwangayo olw'ebibi, yaaguta ku bintu ebiri ng'oti mayiga ga nsolo ebiri ku alutaari eyo. Alutaari eyo eidha kubanga ntukuvu inho era nga yange nze Musengwa Katonda.”

Okuvaayo 39:43

Musa yaakebera byonabyona bye baakola, yaabona nga bwenebwene baabikola nga Musengwa Katonda bweyalagira. Musa yaabasabira enkabi.

Abalevi 16:2

Yaakoba ati: “Koba Aaroni muganda wo, alobe kumalanga gaja buli gh'ayendeire munda gh'olutimbe mu Kifo Ekitukuvu gha kisandikiza eky'Esanduuku y'Endagaano. Olwo alobe kufa, kuba ndidha kubonekeranga mu kire ghaigulu gh'ekisandikiza ekyo.

Abalevi 17:1

Musengwa Katonda yaalagira Musa ati:

Abalevi 23:28

Ku olwo, mutakolanga mulimo waire omulala ku egyo gye mukola buliidho, kuba lunaku lwaimwe lwa kutoolebwaku bibi mu maiso ga Katonda waimwe.

Abalevi 23:31

Mutakolanga mulimo waire omulala. Eiteeka eryo linaakuumibwanga ab'olulyo lwaimwe enaku dhoonadhoona, eyo yoonayoona ye banaabanga.

Abalevi 24:23

Agho Musa ng'amaze okukobera ebyo Abaisiraeli, baatwala oyo eyakolima mu kifo aghazira weema dha bantu, baamukuba amabaale yaafa. Mu nsambo eyo Abaisiraeli baakola nga Musengwa Katonda bweyakoba Musa.

Abalevi 3:17

Mutalyanga ku masavu oba ku musaayi; eryo n'erinaabanga eiteeka ery'olubeerera, lye munaakuumanga buli ghe munaabanga enaku dhoonadhoona.”

Okubala 29:7

“Ku lunaku olweikumi olw'omwezi ogwomusanvu mwidha kwesolozanga okunsinza, n'okwebonerezanga era mutalukolerangaku mulimo gwonagwona.

Abaheburayi 10:14

Olw'okughaayo omusengo guno omulala, abo be yatukuza yabafuula abatuukiriire ebyanda n'ebyanda.

Abaheburayi 10:3

Aye mu misengo muno mulimu okwidhusibwa ebibi buli mwaka

Abaheburayi 9:25

Kurisito tiyeeghaayo mikuzi kamaala oti ni Bakabona Abakulu bwe bangiranga buli mwaka mu Kifo Ekitukuvu Einho, ate nga ti kughaayo musaayi gwaibwe gwene.

Abaheburayi 9:7

Aye mu Weema ey'omunda mwajangamu Omukulu wa Bakabona yenka, ng'angiramu omukuzi mulala buli mwaka, era ng'ateekwa okutwalayo omusaayi gw'aghaayo ku lulwe ni ku lw'ebyonoono eby'abantu bye bakola mu butamanha.