Abalevi 16:33 - Baibuli Ekibono kya Katonda 2014

³³ Aidha kukolanga omukolo ogw'okutukuza ekifo Ekitukuvu, n'Eweema ey'Okwagaananirangamu ni Musengwa Katonda, n'alutaari, era ni bakabona, n'abantu boonaboona.

Abalevi 16:33 ပူးပေါင်းရင်းမြစ်များ

Ezekieli 45:18

Agho Musengwa Katonda yaakoba ati: “Ku lunaku olusooka, mu mwezi ogusooka, mwidha kutoolanga ente enume entototo era eziraku kikyamu kyonakyona, mugigheeyo olw'okutukuza eisinzizo.

Abalevi 16:11

“Aaroni bw'anaaghangayo ente enume eyiye ku bubwe ey'ekigheebwayo olw'ebibi, olwa mwene n'olw'ab'endhu ye okutoolebwaku ebibi,

Abalevi 16:16

Mu nsambo eyo aidha kughangayo omusengo olw'Ekifo Ekitukuvu, okukitoolaku obutali bulongoofu obw'Abaisiraeli, n'ensobi dhaibwe, n'ebibi byaibwe byonabyona. Era atyo bw'aidhanga okukola ni ku Weema ey'Okwagaananirangamu ni Musengwa Katonda eba ghagati mu bantu abo abatali balongoofu.

Abalevi 16:24

Anaanaabiranga omubiri mu Kifo Ekitukuvu ekyo, yaavaala ebivaalo bye ebyabuliidho, yaafuluma, yaaghaayo ekigheebwayo ekyokebwa ekikye, n'ekigheebwayo ekyokebwa eky'abantu, olw'okutoolagho ebibi ebibye n'eby'abantu boonaboona.

Abalevi 16:6

Aaroni oyo aidha kughangayo ente enume eyiye ku bubwe ey'ekigheebwayo olw'ebibi, olwa mwene n'olw'ab'endhu ye okutoolebwaku ebibi.

Abalevi 23:28

Ku olwo, mutakolanga mulimo waire omulala ku egyo gye mukola buliidho, kuba lunaku lwaimwe lwa kutoolebwaku bibi mu maiso ga Katonda waimwe.