Abalevi 16:31 - Baibuli Ekibono kya Katonda 2014

³¹ Olwo lunaabanga lunaku lutukuvu lwa kuwuumulira irala, era muneebonerezanga. Eiteeka eryo linaakuumibwanga enaku dhoonadhoona.

Abalevi 16:31 ပူးပေါင်းရင်းမြစ်များ

Ezera 8:21

Agho naalangirira okusiiba nga tuli eyo ku mwiga Ahava. Naakoba twewombeeke mu maiso ga Katonda waife nga tumusaba atukulembere mu lugendo lwaife, era atukuume n'abaana baife ni byonabyona bye twali nabyo.

Okuvaayo 31:15

Emirimo giidha kukolebwanga mu nnaku mukaaga, aye olunaku olwomusanvu, ni Sabbato, lunaku lwa Musengwa Katonda lwa kuwuumula era lutukuvu. Omuntu yeenayeena anaakolanga omulimo gwonagwona ku Sabbato aidha kwitibwanga.

Okuvaayo 35:2

Emirimo giidha kukolebwanga mu nnaku mukaaga, aye olunaku olwomusanvu, ni Sabbato, lunaku lwa Musengwa Katonda lwa kuwuumula era lutukuvu. Omuntu yeenayeena anaakolanga omulimo gwonagwona ku Sabbato aidha kwitibwanga.

Isaia 58:3

“Baja baabuuza bati, ‘Lwaki tusiiba ng'ate Musengwa Katonda tafaayo? Era lwaki twebonereza aye n'atatufaaku naire?’ “Nze Musengwa Katonda naabairamu nti, ‘Mubone eno, ku lunaku lwe musiibiraku, muba muli kwenooneza bibasanhusa imwe beene. Era mutuntuza n'abakozi baimwe.

Isaia 58:5

Mulowooza muti okwo n'okusiiba nze kwe nhenda ku lunaku omuntu lw'agwaine okwewombeekeraku einho? Muja mwakotesa emitwe ng'oti n'ekitoogo bwekikoteka. Era mweyalira ekutiya mu ivu, mwadhirambaalaku, okwoleka nga bwe munakughaire. Obwo ekyo kye mweta okusiiba ku lunaku nze Musengwa Katonda lwe nsiima?

Danieli 10:12

Agho yankoba ati: “Danieli otatya, kuba Katonda awuliire okusaba kwo, okuviira irala ku lunaku lwe watoolera okwewombeeka mu maiso ge ng'oyenda okutegeera obukwenda obw'okubonekerwa. Era nze ndidhie olw'okusaba kwo okwo.

Abalevi 23:32

Okuva eigulo ery'olunaku olwomwenda olw'omwezi, okutuuka eigulo ery'olunaku olweikumi, munaakuumanga olunaku luno nga lwa kuwuumulira irala ng'oti Sabbato, era muneebonerezanga.”

Abalevi 25:4

Aye omwaka ogwomusanvu, gunaabanga mwaka gwa kuleka eitaka liwuumulire irala, omwaka ogugheereibwayo eri Musengwa Katonda. Mutasiganga nsigo mu nimiro dhaimwe, era mutawooleranga masamba gaimwe ag'emizabbibu.