Abalevi 16:29 - Baibuli Ekibono kya Katonda 2014

²⁹ “Eiteeka lino munaalikuumanga enaku dhoonadhoona: Ku lunaku olweikumi olw'omwezi ogwomusanvu, Abaisiraeli n'abasenze abaabasengamu, baneebonerezanga era tibaakolenga mulimo waire omulala.

Abalevi 16:29 ပူးပေါင်းရင်းမြစ်များ

1 Bakyabazinga 8:2

Kale abantu boonaboona beesoloza ewa kyabazinga Solomoni ku Kibinuko eky'Entindi, mu mwezi ogwomusanvu ogwetebwa Ethanimu.

Ezera 3:1

Mu mwezi ogwomusanvu ng'Abaisiraeli boonaboona bamaze okuja mu bibuga byaibwe era nga batyaime batereire, beesololeza e Yerusalemu boonaboona nga bali kitole.

Ezera 8:21

Agho naalangirira okusiiba nga tuli eyo ku mwiga Ahava. Naakoba twewombeeke mu maiso ga Katonda waife nga tumusaba atukulembere mu lugendo lwaife, era atukuume n'abaana baife ni byonabyona bye twali nabyo.

Zabbuli 35:13

Ate nga beene bwe baali abalwaire, nze nanakughala, neerumya nga nsiiba endhala, naasaba nga nkotaimya omutwe,

Zabbuli 69:10

Bwe neerumya nga nsiiba endhala, kinfuukira ekivumo.

Okuvaayo 12:16

Ku lunaku olusooka ni ku lwomusanvu mu nnaku edho, muneesolozanga olw'okunsinza nze Musengwa Katonda. Era mu nnaku edho mutakolerangamu mulimo gwonagwona okutoolaku okutegeka emere yaimwe ey'okulya.

Okuvaayo 20:10

Aye olunaku olwomusanvu, lwa Sabbato yange nze Musengwa Katonda waimwe. Olwo mutalukolerangaku mulimo gwonagwona waire imwe beene, waire batabane baimwe, waire baghala baimwe, waire abairu baimwe abasaadha oba abakazi, waire ensolo dhaimwe, era waire abasenze be musuza;

Okuvaayo 30:10

alutaari eyo eidha kutukuzibwanga omukuzi mulala buli mwaka, aghazira kulekera ense n'ense. Aaroni aidha kugitukuzanga ng'akozesa omusaayi oguva ku nsolo enaagheebwangayo olw'ebibi, yaaguta ku bintu ebiri ng'oti mayiga ga nsolo ebiri ku alutaari eyo. Alutaari eyo eidha kubanga ntukuvu inho era nga yange nze Musengwa Katonda.”

Okuvaayo 31:14

Mwidha kukuzanga olunaku lwa Sabbato, kuba lutukuvu. Ole ataalutwalenga nga lutukuvu wa kwitibwanga, era omuntu yeenayeena anaalukolerangaku omulimo gwonagwona anaabanga takaabalirwa mu bantu bange.

Okuvaayo 31:15

Emirimo giidha kukolebwanga mu nnaku mukaaga, aye olunaku olwomusanvu, ni Sabbato, lunaku lwa Musengwa Katonda lwa kuwuumula era lutukuvu. Omuntu yeenayeena anaakolanga omulimo gwonagwona ku Sabbato aidha kwitibwanga.

Isaia 58:13

Musengwa Katonda akoba ati: “Bwe munaakuumanga Sabbato ni mutagikoleraku byaimwe bye mwenda, aye n'eba olunaku lwange olutukuvu, lwe mutaamu ekitiisa ni mutalutambuliraku ngendo, waire okulukoleraku emirimo, oba okulwogereraku ebitasaana,

Isaia 58:3

“Baja baabuuza bati, ‘Lwaki tusiiba ng'ate Musengwa Katonda tafaayo? Era lwaki twebonereza aye n'atatufaaku naire?’ “Nze Musengwa Katonda naabairamu nti, ‘Mubone eno, ku lunaku lwe musiibiraku, muba muli kwenooneza bibasanhusa imwe beene. Era mutuntuza n'abakozi baimwe.

Isaia 58:5

Mulowooza muti okwo n'okusiiba nze kwe nhenda ku lunaku omuntu lw'agwaine okwewombeekeraku einho? Muja mwakotesa emitwe ng'oti n'ekitoogo bwekikoteka. Era mweyalira ekutiya mu ivu, mwadhirambaalaku, okwoleka nga bwe munakughaire. Obwo ekyo kye mweta okusiiba ku lunaku nze Musengwa Katonda lwe nsiima?

Danieli 10:12

Agho yankoba ati: “Danieli otatya, kuba Katonda awuliire okusaba kwo, okuviira irala ku lunaku lwe watoolera okwewombeeka mu maiso ge ng'oyenda okutegeera obukwenda obw'okubonekerwa. Era nze ndidhie olw'okusaba kwo okwo.

Danieli 10:3

Nga tirya mere nungi, oba okulya emamba, oba okunhwa omwenge ogw'emizabbibu, waire okwesiiga ebizigo, okumala wiiki edho eisatu enamba.

Abalevi 23:21

Ku lunaku olwo munaalangiriranga, mwesoloza okunsinza. Mutakolanga mulimo waire omulala ku egyo gye mukola buliidho. Eiteeka lino munaalikuumanga ebyanda n'ebyanda, mu nse dhoonadhoona, eyo yoonayoona ye munaabanga.

Abalevi 23:3

“Enaku dhiri mukaaga edhinaakolerwangaku emirimo, aye olunaku olwomusanvu, lwa Sabbato, lunaku lwa kuwuumula. Ku lunaku olwo mutakolanga mulimo gwonagwona, aye mwesolozenga okunsinza. Olwa Sabbato lunaku lwa Musengwa Katonda yoonayoona ye munaabanga.

Abalevi 23:36

Buli lunaku, mu nnaku edho omusanvu, munaaghangayo ekigheebwayo ekyokebwa. Ku lunaku olwomunaana, muneesolozanga okusinza, era mwaghaayo ekigheebwayo ekyokebwa. Lunaabanga lunaku lukologho lwa kusinza, era mutakolanga mulimo waire omulala ku egyo gye mukola buliidho.

Abalevi 25:9

Agho ku lunaku olweikumi olw'omwezi ogwomusanvu, olunaku olw'okutoolebwaku ebibi, munaatumanga omuntu yaaja ng'afuuwa endeka mu nsi yaimwe mwonamwona.

Abalevi 3:17

Mutalyanga ku masavu oba ku musaayi; eryo n'erinaabanga eiteeka ery'olubeerera, lye munaakuumanga buli ghe munaabanga enaku dhoonadhoona.”

Okubala 29:7

“Ku lunaku olweikumi olw'omwezi ogwomusanvu mwidha kwesolozanga okunsinza, n'okwebonerezanga era mutalukolerangaku mulimo gwonagwona.

Ebikolwa by'Abatume 27:9

Enaku kamaala bwe dhaabitagho era nga n'olugendo lufuuse lwa kabi, kuba enaku edh'okutoolebwaku ebibi dhaali dhibise, Paulo yaabalabula yaakoba ati:

1 Ab'e Korintho 11:31

Aye ife beene nkuli tusooka twebona oba nga tugwaine, Katonda tiyanditusaliire musango.

Abaheburayi 4:10

Kuba kiisi atuuka ku kuwuumula Katonda kwe yasuubiza, awuumula mu mirimo gye oti ni Katonda yeena bwe yawuumula ng'amaze egigye.

1 Samueli 7:6

Kale beesololeza e Mizipa, baasena amaadhi baagafuka agho mu maiso ga Musengwa Katonda, ng'ekigheebwayo. Baasiiba ku lunaku olwo, era baakoba bati: “Twakola ekibi ye Musengwa Katonda.” Eyo e Mizipa, Samueli ye yalamuliranga Abaisiraeli.