Abalevi 16:24 - Baibuli Ekibono kya Katonda 2014

²⁴ Anaanaabiranga omubiri mu Kifo Ekitukuvu ekyo, yaavaala ebivaalo bye ebyabuliidho, yaafuluma, yaaghaayo ekigheebwayo ekyokebwa ekikye, n'ekigheebwayo ekyokebwa eky'abantu, olw'okutoolagho ebibi ebibye n'eby'abantu boonaboona.

Abalevi 16:24 ပူးပေါင်းရင်းမြစ်များ

Okuvaayo 28:40

“Oidha kukolera batabane ba Aaroni ebivaalo ebidholige n'empiso n'ewuuzi, obakolere n'enkoma, n'enkuufiira, nga bibagheesa ekitiisa era byababonesa bulungi.

Okuvaayo 28:41

Bw'omala oidha kuvaaza muganda wo Aaroni ni batabane ebivaalo byaibwe ebyo, olwo obasiige omuzigo olw'okubatukuza obaawule, era obagemye omulimo ogw'okumpeereza nga bakabona.

Ezekieli 42:14

Bakabona bwe banaingiranga mu Kifo Ekitukuvu, tibaakivengamu kuja mu luya lwa kuliya nga tibatoiremu bivaalo byaibwe mwe bagheerereza, kuba ebivaalo ebyo bitukuvu. Banaavaalanga ebivaalo ebindi memale baaja mu kifo abantu abandi ghe beesololeza.”

Abalevi 14:9

Ku lunaku olwomusanvu kabiri anaamwangaku enviiri dhoonadhoona, n'ekirevu, n'ebisige, n'obuviiri bwonabwona ku mubiri. Era anaayozanga ebivaalo bye, yaanaaba omubiri, olwo yaabalibwa nga mulongoofu.

Abalevi 16:25

Amasavu ag'ekigheebwayo olw'ebibi anaagookeranga ku alutaari.

Abalevi 22:6

Kiisi kabona anaafuukanga atali mulongoofu mu nsambo oti n'eyo, anaasigalanga nga tiimulongoofu okutuusa eigulo era atalyanga ku bigheebwayo ebitukuvu, okutoolaku ng'amaze okunaaba omubiri.

Abalevi 9:7

Agho yaakoba Aaroni ati: “Ja kumpi n'alutaari, ogheeyo ekigheebwayo olw'ebibi, ogheeyo omusengo olw'ebibi byo n'olw'ebibi eby'abantu. Ghaayo ekigheebwayo eky'abantu, era ogheeyo omusengo olw'ebibi byaibwe, nga Musengwa Katonda bweyalagira.”

Abaheburayi 9:10

Bino byakomanga ku bya ku ngulu ebigema ku kulya, ni ku kunhwa, ni ku bulombolombo obw'okwetukuza, ebyali eby'okubaagho okutuusa ku kiseera eky'okwiza ebintu byonabyona obuyaaka.