Abalevi 16:23 - Baibuli Ekibono kya Katonda 2014

²³ “Agho Aaroni aidha kwingiranga mu Weema ey'Okwagaananirangamu ni Musengwa Katonda, atoolemu ebivaalo ebighegheevu bye yavaire ng'aingira mu Kifo Ekitukuvu, era abireke omwo.

Abalevi 16:23 ပူးပေါင်းရင်းမြစ်များ

Ezekieli 42:14

Bakabona bwe banaingiranga mu Kifo Ekitukuvu, tibaakivengamu kuja mu luya lwa kuliya nga tibatoiremu bivaalo byaibwe mwe bagheerereza, kuba ebivaalo ebyo bitukuvu. Banaavaalanga ebivaalo ebindi memale baaja mu kifo abantu abandi ghe beesololeza.”

Ezekieli 44:19

Bwe banaabanga nga bafuluma okuja mu luya olw'okuliya eri abantu, baidha kutoolangamu ebivaalo bye bakozesa mu kugheereza babirekenga mu bisenge ebitukuvu, bamale baavaalenga ebivaalo ebindi. Olwo ebivaalo byaibwe ebitukuvu birobenga kukola kabi ku bantu.

Abalevi 16:22

Embuzi eyo n'enaatwalanga ebibi byaibwe byonabyona, yaaja nabyo mu nsi eziramu bantu. Oyo agitwala anaagirekuliranga eyo mu irungu.

Abalevi 16:4

Anaamalanga kunaaba mubiri mu maadhi, yaavaala ebivaalo ebitukuvu eby'engoye empegheevu: ekanzu empale, olusibiro, n'ekitambaala ku mutwe.

Abalevi 6:11

Agho anaatoolangamu ebivaalo ebyo yaavaala ebindi, yaatwala eivu kuliya kwa weema, mu kifo ekirongoofu.

Ab'e Roma 8:3

Amateeka kye gataasobola kukola olw'obunafu bw'obuntu Katonda yakikola. Yaasingisa ekibi ekiri mu mubiri omusango, bwe yatuma Omwana we mwene ng'ali n'omubiri ogufaananira irala n'omubiri ogukola ebibi, aidhe aghangule ekibi.

Abaheburayi 9:28

ni Kurisito atyo bwe yagheebwayo omukuzi mulala olw'okutoolagho ebibi eby'abantu kamaala. Aliboneka omukuzi ogwokubiri, ti lwa kibi aye lwa kulokola abo abamulindirira.