Abalevi 16:20 - Baibuli Ekibono kya Katonda 2014

²⁰ “Aaroni bw'anaamalirizanga okukola omukolo ogw'okutukuza Ekifo Ekitukuvu n'Eweema yoonayoona ey'Okwagaananirangamu ni Musengwa Katonda, ni alutaari, anaatwalanga ye Musengwa Katonda embuzi ere enamu.

Abalevi 16:20 ပူးပေါင်းရင်းမြစ်များ

Ezekieli 45:20

Ni ku lunaku olwomusanvu olw'omwezi mwidha kukolanga mutyo, olwa buli muntu anaabanga ng'akoze ekibi, nga tagendereire oba nga taidhi nga ky'ali kukola kibi. Mutyo bwe munaakuumanga eisinzizo nga itukuvu.

Abalevi 16:16

Mu nsambo eyo aidha kughangayo omusengo olw'Ekifo Ekitukuvu, okukitoolaku obutali bulongoofu obw'Abaisiraeli, n'ensobi dhaibwe, n'ebibi byaibwe byonabyona. Era atyo bw'aidhanga okukola ni ku Weema ey'Okwagaananirangamu ni Musengwa Katonda eba ghagati mu bantu abo abatali balongoofu.

Abalevi 16:19

Yaagimansira omusaayi n'olwala lwe emikuzi musanvu, yaagirongoosa okugitoolaku obutali bulongoofu obw'Abaisiraeli, ng'agitukuza.

Abalevi 16:21

Anaatanga emikono gye gyombi ku mutwe gw'embuzi eyo enamu, yaalaamiriza ng'ayatula ebyonoono n'ebibi eby'Abaisiraeli n'obudheemu bwonabwona yaabisindika ku mutwe gwayo, olwo yaagisindiikiriza mu irungu ng'etwalibwa omuntu eyategekebwa okukola ekyo.

Abalevi 6:30

Aye omusaayi gwakyo bwe gunaaleetebwanga mu Weema ey'Okwagaananirangamu ni Musengwa Katonda, era ni gukozesebwa mu musengo ogugheebwayo olw'ebibi, olwo tikiiriibwengaku kinaayokebwanga bwokebwe.

Abalevi 8:15

Musa oyo yaagiita, era yaatoolaku omusaayi ogundi yaagusiigisa olwala lwe ku bintu ebiri ng'oti mayiga ga nsolo ebiri ku alutaari ku ndhuyi dhaayo dhoonadhoona okugyawulira Musengwa Katonda. Omusaayi ogwasigalagho gwonagwona, yaagufuka ku ntobo y'alutaari. Mu nsambo eyo yaagyawula ebe eya Musengwa Katonda era yaaghaayo omusengo olw'okugitukuza.

Ab'e Roma 4:25

Yesu oyo yaitibwa olw'ebibi byaife, yaazuukira tusobole okutoolebwaku omusango.

Ab'e Roma 8:34

Ghazira aghanga kubasingisa musango, kuba Kurisito Yesu mwene eyafa ate n'azuukira, era atyaime ku mukono omusaadha ogwa Katonda n'atwogererayo.

2 Ab'e Korintho 5:19

Kye tukoba ni kino nti Katonda yaleetera abantu boonaboona okwisania naye ng'abita mu Kurisito, nga tababalira bibi bye baakola naire. Era twena yatugemya obukwenda obubaleetera okwisania naye.

Ab'e Kolosai 1:20

era abite mu oyo okwiza ebintu byonabyona y'ali ka bibe ebiri mu igulu oba ebiri ku nsi. Katonda atyo bwe yaleeta emiraala ng'abita mu kufa kw'Omwana we ku musalaba.

Abaheburayi 7:25

Era olw'ensonga eno, kyava asobola okulokolera irala ekiseera kyonakyona abo abaidha ye Katonda nga babita mu mwene, kuba mulamu enaku dhoonadhoona okuboogererayo.

Okwolekebwa 1:18

ate era omulamu. Nali nfiire, aye mperaano ndi mulamu ebyanda n'ebyanda, era nfuga okufa n'amagombe.