Abalevi 16:2 - Baibuli Ekibono kya Katonda 2014

² Yaakoba ati: “Koba Aaroni muganda wo, alobe kumalanga gaja buli gh'ayendeire munda gh'olutimbe mu Kifo Ekitukuvu gha kisandikiza eky'Esanduuku y'Endagaano. Olwo alobe kufa, kuba ndidha kubonekeranga mu kire ghaigulu gh'ekisandikiza ekyo.

Abalevi 16:2 ပူးပေါင်းရင်းမြစ်များ

1 Bakyabazinga 6:16

Einhuma munda mu isinzizo, yaazimbayo ekisenge eky'embaawo edh'emivule nga dhiva ghansi dhaatuuka ku lubani. Mu nsambo eyo yaayawula ku isinzizo ekifo kya mita mwenda, ekyo nga n'Ekifo Ekitukuvu Einho.

1 Bakyabazinga 8:6

Kale bakabona baaleeta mu isinzizo Esanduuku ya Musengwa Katonda ey'Endagaano, baagita mu kifo kyayo munda mu isinzizo, mu Kifo Ekitukuvu Einho, ghansi gh'amaghagha ag'ebitonde ebyetebwa bikerubi

2 Ebyomubyanda 5:14

nga bakabona tibakaasobola kusigalamu kukola gwa bugheereza olw'ekire ekyo, kuba ekitiisa kya Katonda kyabuna woonawoona mu isinzizo.

Okuvaayo 30:10

alutaari eyo eidha kutukuzibwanga omukuzi mulala buli mwaka, aghazira kulekera ense n'ense. Aaroni aidha kugitukuzanga ng'akozesa omusaayi oguva ku nsolo enaagheebwangayo olw'ebibi, yaaguta ku bintu ebiri ng'oti mayiga ga nsolo ebiri ku alutaari eyo. Alutaari eyo eidha kubanga ntukuvu inho era nga yange nze Musengwa Katonda.”

Abalevi 16:13

Agho anaatanga obubbaani ku muliro mu maiso ga Musengwa Katonda, omwosi ogw'obubbaani gwaghemba ekisandikiza eky'Esanduuku ey'Endagaano yaaloba kukibona, olwo alobe kufa.

Abalevi 16:34

Eiteeka eryo munaalikuumanga enaku dhoonadhoona, nga mutaagho omukolo ogw'okutukuza, omukuzi mulala buli mwaka, olw'okutoola ku Baisiraeli ebibi byaibwe.” Musa yaakola nga Musengwa Katonda bweyamulagira.

Abalevi 23:27

“Olunaku olweikumi olw'omwezi ogwomusanvu, lunaabanga lwa kutoolebwaku bibi. Ku lunaku olwo, muneebonerezanga, era mwesoloza okusinza, mwaghaayo eri Musengwa Katonda ekigheebwayo ekyokebwa.

Abalevi 8:35

Muteekwa okusigala ku mulyango gw'Eweema ey'Okwagaananirangamu ni Musengwa Katonda, okumala enaku musanvu, okutuukiriza ekiragiro kya Musengwa Katonda, memale mulobe kufa, kuba atyo Musengwa Katonda bweyandagira.”

Okubala 17:10

Musengwa Katonda yaakoba Musa ati: “Izaayo omwigo gw'Aaroni gha mberi w'Esanduuku ey'Endagaano, gukumirwe agho ng'akamanhiso eri abadheemu, nti baidha kufa bwe batalekera agho kuneemuluguunhizanga.”

Okubala 18:7

Aye iwe ni batabane bo, niimwe mwenka abanaakolanga emirimo egy'obwakabona egy'oku alutaari n'egy'omu Kifo Ekitukuvu. Mbaghaire obwakabona ng'ekirabo, era omuntu atali Mulevi bw'anaaseetanga okumpi, aidha kwitibwanga.”

Okubala 4:19

Aye mukolenga muti olwo balobenga kufa nga baseese okumpi n'ebintu ebitukuvu: Aaroni ni batabane be n'abanaasookanga bangira, baagabira buli muntu ky'anaakola ni ky'anaabbeeda.

Okubala 4:5

Musengwa Katonda era yaalagira Musa ati: “Buli lwe munaabanga nga muja okusenguka mu kifo, Aaroni ni batabane be baidha kungiranga mu Weema ey'Okwagaananirangamu ni Musengwa Katonda, baghanuleyo olutimbe olukinzaagho oluli emberi w'Esanduuku ey'Endagaano, era balughembe ku sanduuku eyo.

Matayo 27:51

Agho olusuubo olw'omu isinzizo lwakanukamu ghabiri, okuva ghaigulu okutuuka ghansi ensi yeesuukunda, embaale dhaayatika.

Abaheburayi 6:19

Eisuubi eryo ni lye tuli nalyo, era n'erinhwekeza irala emyoyo gyaife ng'oti n'ekizito ekyemereza eryato bwe kinhweza eryato. Eisuubi eryo liziramu kutya era ikakafu. Era lingirira irala mu kifo ekitukuvu ekiri einhuma w'olutimbe.

Abaheburayi 9:25

Kurisito tiyeeghaayo mikuzi kamaala oti ni Bakabona Abakulu bwe bangiranga buli mwaka mu Kifo Ekitukuvu Einho, ate nga ti kughaayo musaayi gwaibwe gwene.

Abaheburayi 9:3

Einhuma ew'olutimbe olwokubiri yaliyo ekiketezo ekindi ekyetebwa Ekifo Ekitukuvu Einho.

Abaheburayi 9:5

Ghaigulu ghaayo nga ghaligho ebitonde ebiri n'amaghagha ebyetebwa kerubi, ebyoleka ekitiisa kya Katonda, ebighemba ekityamo ekisoniyirwaku ebibi n'amaghagha gaabyo. Aye bino byonabyona, titughanga kubyogeraku mu bwidhuvu buti.

Okwolekebwa 15:8

Eisinzizo lyaidhula omwosi oguva ku kitiisa kye, ni ku bukumu bwe nga ghazira asobola kwingira mu isinzizo okutuusa ebibamba omusanvu ebya bamalaika omusanvu nga biwoire.