Abalevi 16:18 - Baibuli Ekibono kya Katonda 2014

¹⁸ Olwo anaafulumanga yaaja ku alutaari eri mu maiso ga Musengwa Katonda, yaakola omukolo ogw'okutukuza ku lwayo. Yaatoola ku musaayi gw'ente enume, ni ku gw'embuzi, yaagusiiga ku bintu ebiri ng'oti mayiga ga nsolo ebiri ku alutaari eyo, ku nsonda dhaayo dhoonadhoona.

Abalevi 16:18 ပူးပေါင်းရင်းမြစ်များ

Okuvaayo 30:10

alutaari eyo eidha kutukuzibwanga omukuzi mulala buli mwaka, aghazira kulekera ense n'ense. Aaroni aidha kugitukuzanga ng'akozesa omusaayi oguva ku nsolo enaagheebwangayo olw'ebibi, yaaguta ku bintu ebiri ng'oti mayiga ga nsolo ebiri ku alutaari eyo. Alutaari eyo eidha kubanga ntukuvu inho era nga yange nze Musengwa Katonda.”

Ezekieli 43:20

Olitoola ku musaayi gwayo waagusiiga ku bintu bire ebiri ng'oti mayiga ga nsolo ebiri ku alutaari eyo, waagusiiga ni ku nsonda eina edh'omugo gwayo era ni ku mugo ogwo gwene okugwezunguluza. Mu nsambo eyo oliba ogitoireku okuba nga ti nongoofu, waagitukuza.

Ezekieli 43:22

Ku lunaku olwiririra, olighaayo embuzi enume eziraku kikyamu kyonakyona, yaaba ekigheebwayo olw'ebibi. Olwo alutaari baliba bagitukwiza n'omusaayi gw'embuzi eyo, nga bwe baagitukuza n'ogw'ente enume.

Ezekieli 45:19

Kabona aidha kutoolanga omusaayi ogw'ekigheebwayo ekyo olw'ebibi, agusiige ku myango egy'endhigi dh'eisinzizo, ni ku nsonda eina edh'omugo gw'alutaari, ni ku bikondo eby'omulyango ogwingira mu luya olw'omunda.

Abalevi 16:16

Mu nsambo eyo aidha kughangayo omusengo olw'Ekifo Ekitukuvu, okukitoolaku obutali bulongoofu obw'Abaisiraeli, n'ensobi dhaibwe, n'ebibi byaibwe byonabyona. Era atyo bw'aidhanga okukola ni ku Weema ey'Okwagaananirangamu ni Musengwa Katonda eba ghagati mu bantu abo abatali balongoofu.

Abalevi 16:17

Mu Weema ey'Okwagaananirangamu ni Musengwa Katonda timwidha kubangamu muntu yeenayeena, okuva Aaroni lw'anaingiranga mu Kifo Ekitukuvu okukola omukolo ogw'okutukuza, okutuusa lw'anaafulumanga ng'amaze okukola omukolo ogwo ku lulwe, ni ku lw'ab'endhu ye, ni ku lw'Abaisiraeli boonaboona.

Abalevi 4:18

Agho aidha kutoolangaku omusaayi ogundi, yaagusiiga ku bintu ebiri ng'oti mayiga ga nsolo ebiri ku alutaari eri mu maiso ga Musengwa Katonda. Omusaayi gwonagwona ogusigairegho anaagufukanga ku ntobo y'alutaari eyokerwaku ebigheebwayo, eri ku mulyango gw'Eweema ey'Okwagaananirangamu ni Musengwa Katonda.

Abalevi 4:25

Agho Kabona anainhikanga olwala lwe mu musaayi ogw'ensolo eyo, yaagusiiga ku bintu ebiri ng'oti mayiga ga nsolo ebiri ku alutaari eyokerwaku ebigheebwayo. Ogusigairegho yaagufuka ku ntobo y'alutaari eyo.

Abalevi 4:7

Agho aidha kutoolangaku omusaayi ogundi, yaagusiiga ku bintu ebiri ng'oti mayiga ga nsolo ebiri ku alutaari eniokezebwaku obubbaani obw'akawoowo mu maiso ga Musengwa Katonda, eri mu Weema ey'Okwagaananirangamu ni Musengwa Katonda. Omusaayi gwonagwona ogusigairegho anaagufukanga ku ntobo y'alutaari eyokerwaku ebigheebwayo, eri ku mulyango gw'Eweema ey'Okwagaananirangamu Musengwa Katonda.

Okubala 28:22

Era mwidha kughangayo embuzi enume ndala ng'ekigheebwayo olw'ebibi, olw'okutoolebwaku ebibi byaimwe.

Yoanne 17:19

Nze neeghaayo ku lwaibwe, memale boona beegheeyo mu mazima.

Abaheburayi 2:11

Kuba oyo abatukuza, n'abo abatukuzibwa boonaboona bali ni iseibwe mulala. Kyava Yesu tagemwa nsoni kubeeta baganda be,