Abalevi 16:13 - Baibuli Ekibono kya Katonda 2014

¹³ Agho anaatanga obubbaani ku muliro mu maiso ga Musengwa Katonda, omwosi ogw'obubbaani gwaghemba ekisandikiza eky'Esanduuku ey'Endagaano yaaloba kukibona, olwo alobe kufa.

Abalevi 16:13 ပူးပေါင်းရင်းမြစ်များ

Okuvaayo 25:21

Ekyo nga kiwoire oidha kuta mu sanduuku eyo ekiidhukizo kye ndidha okukugha, era ote ekisandikiza kire ku ngulu okw'esanduuku eyo.

Okuvaayo 28:43

Aaroni ni batabane baidha kuvaalanga ebivaalo ebyo buliidho memale bangire mu Weema ey'Okwagaananirangamu ni Musengwa Katonda, oba baseete ye Alutaari okugheereza nga bakabona mu Kifo Ekitukuvu. Bwe batakola batyo balyereetaku omusango era baafa. Kino kiragiro ekitaja kuvaagho eri Aaroni n'abaana be era n'abaidhukulu.

Okuvaayo 30:1

Era Musengwa Katonda yaakoba Musa ati: “Oidha kukola alutaari mu mbaawo edh'omuti ogwetebwa akasia, nga ya kuniokezangaku bubbaani.

Abalevi 22:9

“Bakabona boonaboona banaatuukirizanga bye mbalagira, balobenga kwonoona ni bafa olw'okubinhooma. Ninze Musengwa Katonda abafuula abatukuvu.

Okubala 16:18

Kale buli muntu yaatoola ekiniokezebwamu obubbaani ekikye, yaakitaamu omuliro n'obubbaani, era boonaboona baayemerera ku mulyango ogw'Eweema ey'Okwagaananirangamu ni Musengwa Katonda, nga bali ni Musa ni Aaroni.

Okubala 16:46

Musa yaakoba Aaroni ati: “Toola ekiniokezebwamu obubbaani ekikyo, okiteemu omuliro okuva ku alutaari era ote obubbaani ku muliro ogwo. Bw'omala okitwale mangu eri abantu okole omukolo ogw'okubatoolaku ebibi; kuba obusungu bwa Musengwa Katonda bumaze okubatuukaku era endwaire embi etooleire okubaita.”

Okubala 16:7

mubiteemu omuliro enkyo era mute obubbaani ku muliro okwo mu maiso ga Musengwa Katonda. Omuntu Musengwa Katonda y'anaalonda n'aidha okuba atuukiriire. Imwe baidhukulu ba Levi mubitiriiza okwekuluntaza!”

Okubala 4:15

Agho Aaroni ni batabane bwe banaabanga nga bamaze okughemba ku bintu bire ebitukuvu ebikozesebwa mu Kifo Ekitukuvu, olwo nga saawa yeene etuuse ey'okusenguka, abantu abasimuka mu Kohathi banaidhanga baabbeeda ebintu ebyo ebitukuvu. Aye tibaikirizibwa kugema ku bintu ebyo nga ti bighembe byaku. Bwe babigemaku bafa. Ebyo n'ebintu abantu abasimuka mu Kohathi bye bali n'okubbeedanga.

Okubala 4:20

Aye abantu abasimuka mu Kohathi abo batagezanga kuja kulinga ku bintu ebitukuvu, ni bwekaba akaseera obuseera, kuba ekyo kibaviiramu kufa.”

Amateeka Agokubiri 33:10

Baidha kwegeresanga abantu bo ebiragiro byo n'amateeka go. Baidha kuniokezanga obubbaani gh'oli. Baidha kughangayo emisengo egyokebwa ku alutaari yo.

Abaheburayi 7:25

Era olw'ensonga eno, kyava asobola okulokolera irala ekiseera kyonakyona abo abaidha ye Katonda nga babita mu mwene, kuba mulamu enaku dhoonadhoona okuboogererayo.

Abaheburayi 9:24

Kurisito tiyangira mu kifo kitukuvu ekyakolebwa abantu, ekifaananaku obufaanane ni kire kyene, aye yangira mu igulu lyene, y'ali mperaano mu maiso ga Katonda ku lwaife.