Abalevi 16:12 - Baibuli Ekibono kya Katonda 2014

¹² anaatoolanga ekiniokezebwaku obubbaani ekiidhwire amanda ag'omuliro g'atoire ku alutaari mu maiso ga Musengwa Katonda, n'emiganda ebiri egy'obubbaani obw'akawoowo obusekwirwa einho, yaabireeta munda mw'olutimbe.

Abalevi 16:12 ပူးပေါင်းရင်းမြစ်များ

Okuvaayo 31:11

n'omuzigo ogw'okusiiga, n'obubbaani obuwunha akawoowo obw'okuniokeza mu Kifo Ekitukuvu. Ebyo byonabyona biri na kukolebwa nga bwe nakulagira.”

Okuvaayo 37:29

Era yaakola omuzigo ogusiigibwa omutukuvu, n'obubbaani obuwunha akawoowo obusinga bulungi, bweyatabula ng'oti ni bwe batabula ebizigo eby'okwesiiga.

Abalevi 10:1

Agho Nadabu ni Abihu batabane ba Aaroni, baatoola ebiniokezebwaku obubbaani, buli mulala ekikye, baabitaamu omuliro baataaku obubbaani, baabuniokeza mu maiso ga Musengwa Katonda. Aye omuliro ogwo tigwali mutukuvu, kuba Musengwa Katonda ti n'eyabalagira okuguleeta.

Okubala 16:18

Kale buli muntu yaatoola ekiniokezebwamu obubbaani ekikye, yaakitaamu omuliro n'obubbaani, era boonaboona baayemerera ku mulyango ogw'Eweema ey'Okwagaananirangamu ni Musengwa Katonda, nga bali ni Musa ni Aaroni.

Okubala 16:46

Musa yaakoba Aaroni ati: “Toola ekiniokezebwamu obubbaani ekikyo, okiteemu omuliro okuva ku alutaari era ote obubbaani ku muliro ogwo. Bw'omala okitwale mangu eri abantu okole omukolo ogw'okubatoolaku ebibi; kuba obusungu bwa Musengwa Katonda bumaze okubatuukaku era endwaire embi etooleire okubaita.”

Amateeka Agokubiri 33:10

Baidha kwegeresanga abantu bo ebiragiro byo n'amateeka go. Baidha kuniokezanga obubbaani gh'oli. Baidha kughangayo emisengo egyokebwa ku alutaari yo.

Abaheburayi 9:14

Oba ng'ekyo kityo bwekiri, memale omusaayi gwa Kurisito tigulisingagho inho kututukuza ni tugheereza Katonda omulamu ku lwa Kurisito aziraku kimyamya, eyeeghaayo ye Katonda mu maani ga Mwoyo atawaagho?

Abaheburayi 9:7

Aye mu Weema ey'omunda mwajangamu Omukulu wa Bakabona yenka, ng'angiramu omukuzi mulala buli mwaka, era ng'ateekwa okutwalayo omusaayi gw'aghaayo ku lulwe ni ku lw'ebyonoono eby'abantu bye bakola mu butamanha.

1 Yoanne 1:7

Aye bwe tutambulira mu butangaavu ng'oyo bw'ali mu butangaavu, tuba twisania ife beene na beene era n'omusaayi gwa Yesu Omwana we gutunaazaku ebibi byonabyona.

Okwolekebwa 8:5

Malaika oyo yaatoola ekiniokezebwaku obubbaani ekyo, yaakiidhuza omuliro ng'agutoola ku alutaari, yaakisuula ku nsi. Agho ghaabaagho okutyabuka okw'olukuba, okududumuka, okumyansa okw'eigulu, n'ensi okutengeeta.