Abalevi 15:31 - Baibuli Ekibono kya Katonda 2014

³¹ Musengwa Katonda yaakoba Musa ni Aaroni ati: “Kale ni mutyo bwe munaalabulanga Abaisiraeli ku butali bulongoofu bwaibwe, balobe kufa olw'okwonoona Eweema yange ebalimu ghagati.”

Abalevi 15:31 ပူးပေါင်းရင်းမြစ်များ

Zabbuli 66:18

Ngoli nali n'ebibi mu mwoyo gwange, Musengwa Katonda tiyandiwuliriisa kusaba kwange.

Ezekieli 23:38

Era tibaakoma agho, aye ku lunaku lulala baayonoona eisinzizo lyange era baayonoona n'olunaku lwange olwa Sabbato.

Ezekieli 36:17

“Iwe omuntu, abantu ab'eighanga Isiraeli bwe baali mu nsi yaibwe, baagyonoona olw'emize gyaibwe n'ebibi bye baakola. Ensambo ye beebisangamu, nga ti nongoofu ng'oti n'omukazi bw'aba ng'ali mu biseera bye eby'okulwala.

Ezekieli 44:23

“Bakabona banaayegeresanga abantu bange okwawulagho ebintu ebitukuvu n'ebitali bitukuvu, n'okwawulagho ebirongoofu n'ebitali birongoofu.

Ezekieli 5:11

“Agho ni, nze Musengwa Katonda ndayira nti nga bwendi omulamu, bino bye nkoba ku imwe ab'omu Yerusalemu: mwayonoona eisinzizo lyange nga mulikoleramu ebibi byaimwe byonabyona ebyenhinhalwa. Kale ndibatirimbula, naaloba kusaasiraku naire omulala ati oba okumugemerwa ekivunika.

Danieli 9:27

Omufuzi oyo alikola endagaano ey'amaani n'abantu kamaala okumala emyaka musanvu, era ghagati gh'emyaka egyo alirekeza okughaayo emisengo n'ebigheebwayo. Ole akola ogw'okuzikiriza alitaagho ku ntwiko y'eisinzizo Ekyenhinhalwa Ekizikiriza, okutuusa enkomerero eyategekerwa oyo azikiriza bw'erituuka.”

Abalevi 11:47

Ago n'aganaakozesebwanga okwawulanga ebirongoofu ku bitali birongoofu, n'okwawulanga ebiramu ebiikirizibwa okuliibwa, ku ebyo ebitaikirizibwa.

Abalevi 13:59

Ago n'amateeka agagema ku ndwaire ey'ebigenge ng'eri mu kivaalo, ka kibe nga kyakolebwa mu buviiri bwa ntaama oba kya lugoye lughegheevu, oba mu kintu kyonakyona ekyakolebwa mu luwu. Amateeka ago n'aganaakozesebwanga okusalagho ekirongoofu n'ekitali kirongoofu.

Abalevi 15:32

Ago n'amateeka agagema ku musaadha anaatoonhanga okuva mu bitundu bye eby'ekyama, oba anaavangamu amaadhi ag'obusaadha.

Abalevi 19:30

Mukuzenga olunaku lwa Sabbato, era mutenga ekitiisa mu kifo kyange Ekitukuvu. Ninze Musengwa Katonda.

Abalevi 20:3

Era zeena ndyefuulira omuntu oyo naamuboola naalekera agho okumubalira mu bantu bange, olw'okughaayo omwana we eri Moleki n'ayonoona Ekifo kyange Ekitukuvu, era n'ayonoona eriina lyange eitukuvu.

Abalevi 21:23

Aye olw'okuba ng'aliku ekikyamu, taingirenga ghali lutimbe lutukuvu era taaseetenga ghali alutaari alobe kwonoona ebitukuvu ebyo, kuba ninze Musengwa Katonda abifuula ebitukuvu.”

Okubala 19:13

Omuntu yeenayeena agema ku muntu afiire, aye n'ateetukuza, ayonoona Weema ya Musengwa Katonda. Era omuntu oyo aidha kulekeranga okubalibwa mu Baisiraeli; kuba aba tamansiirwaku maadhi ga kumutukuza. Aidha kubanga nga tiimulongoofu, era asigalenga n'obutali bulongoofu bwe.

Okubala 19:20

“Aye omuntu atali mulongoofu bw'anaalobanga okutukuzibwa, anaabanga nga takaabalirwa mu bantu ba Musengwa Katonda, kuba anaabanga ng'ayonoine ekifo kya Musengwa Katonda ekitukuvu. Era aidha kusigalanga nga tiimulongoofu, kuba amaadhi agakozesebwa okutoolagho ebibi ganaabanga nga tigamumansiirwaku.

Okubala 5:3

Mubingengagho abasaadha n'abakazi boonaboona abatali balongoofu, balobe kwonoona kifo ghe mwasimba weema dhaimwe, ghe mba n'imwe abantu bange.”

1 Ab'e Korintho 3:17

Kale buli muntu azikiriza eisinzizo lya Katonda, Katonda alimuzikiriza kuba eisinzizo lya Katonda itukuvu era imwe beene niimwe eisinzizo eryo.

Amateeka Agokubiri 24:8

“Bwe munaalwalanga endwaire ey'ebigenge, mwidha kwegenderezanga okubona nga mutuukiriza byonabyona bakabona Abalevi bye babakoba. Bye nalagira bakabona abo bye mube mujiirengaku.

Abaheburayi 10:29

Kale mulowooza ekibonerezo tikirisingagho bukambwe eky'omuntu oyo atyankirira Omwana wa Katonda, era atwala omusaayi ogw'endagaano ogwamutukuza n'agubona ng'ogutali mutukuvu, era n'adhooga Mwoyo ow'ekisa?

Yuda 1:4

Kuba ghaligho abantu abatatya Katonda era abaatonderwa okusingibwa omusango, abeibirira ni batweyimbamu. Abantu abo bakiidhamya obukwenda obw'ekisa kya Katonda nga benda bwisanie n'obudankaanu bwaibwe. Era beegaana Yesu Kurisito Omukulu waife era Musengwa waife yenka ati.

1 Samueli 3:14

Olw'ekyo neerayiriire eri endhu ya Eli, nti mu byanda byonabyona ebiriiragho, ezira musengo oba kigheebwayo kirisobola kubatoolaku kibi kyaibwe ekyo.”