Abalevi 15:21 - Baibuli Ekibono kya Katonda 2014

^21-23 Kiisi anaagemanga ku buliri obw'omukazi oyo oba ku kintu kyonakyona ky'abaire atyaimeku, anaabanga n'okwoza ebivaalo bye era yaanaaba omubiri mu maadhi, aye era yaasigala nga tiimulongoofu okutuusa eigulo.

Abalevi 15:21 ပူးပေါင်းရင်းမြစ်များ

Isaia 22:14

Musengwa Katonda Afuga Amagye yankoba ati: “Bwenebwene ekibi ekyo tija kukibasonigha okutuusa lwe mulifa.” Musengwa Katonda oyo Afuga Amagye atyo bw'akoba.

Abalevi 11:24

“Kiisi anaagemanga ku mulambo ogw'ensolo dhino anaafuukanga atali mulongoofu era anaasigalanga nga tiimulongoofu okutuusa eigulo.

Abalevi 15:20

Na buli kintu ky'anaalambalangaku, oba ky'anaatyamangaku ng'ali mu biseera bye eby'okulwala, tikiibenga kirongoofu.

Okubala 19:22

Era buli kintu omuntu atali mulongoofu ky'anaagemangaku kiidha kufuukanga ekitali kirongoofu, n'oyo anaakigemangaku aidha kubanga nga tiimulongoofu okutuusa olw'eigulo.”

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.

Abaheburayi 9:26

Kuba nguli kyali kityo, Kurisito yandibaire ng'ali n'okudaagadaaga emikuzi kamaala kasookanga ensi etondebwe. Aye mu byanda bino ebisembayo yaboneka omukuzi mulala guti nga gumala, atoolegho ekibi olw'okweghaayo mwene.

Okwolekebwa 7:14

Naamwiramu nti: “Isebo, niiwe oidhi.” Yankoba ati: “Abo n'abaabita mu kudaazibwadaazibwa okunene ni baamula ebivaalo byaibwe n'omusaayi ogw'Entaama Ento, ni bifuuka ebyeru.