Abalevi 15:13 - Baibuli Ekibono kya Katonda 2014

¹³ “Ow'obulwaire obwo bw'anaawonanga obulwaire obwo, anaateegangaku enaku musanvu okwetukuza, memale yaayoza ebivaalo bye era yaanaaba omubiri mu maadhi agaviire mu nsulo edhikuuluula, olwo yaaba mulongoofu.

Abalevi 15:13 ပူးပေါင်းရင်းမြစ်များ

Okuvaayo 29:35

“Oidha kukola omukolo ogw'okwawula Aaroni ni batabane, ogwidha okutwala enaku omusanvu, ng'ojiira ku ebyo byonabyona bye nkulagiire.

Okuvaayo 29:37

Enaku omusanvu edho oidha kughangayo ekigheebwayo olw'ebibi okutukuza alutaari, olwo ebe ng'eidhwire obutukuvu ng'ekintu kyonakyona ekigyekontaku kifuuka kitukuvu.

Yeremia 33:8

Ndibanaazaaku ebibi byaibwe byonabyona bye baakola ye ndi, naabasonigha ensobi dhaibwe n'obudheemu bwaibwe.

Abalevi 14:10

“Ku lunaku olwomunaana anaaleetanga entaama ento enume ibiri, n'entaama enduusi ndala ey'omwaka omulala, dhoonadhoona nga dhiziraku kikyamu kyonakyona. Era anaaleetanga kilo isatu edh'obuwunga bw'engaano obuseereibwa obukalamu, nga butabwirwamu omuzigo ogw'ebibala eby'emiti emyoliva. Era yaaleeta ekitundu kirala kirala ku buli bitundu bisatu ebya lita ey'omuzigo ogw'ebibala eby'emiti emyoliva.

Abalevi 14:8

Omuntu oyo aja okutukuzibwa anaayozanga ebivaalo bye, yaamwaku enviiri dhoonadhoona, yaanaaba, olwo yaabalibwa nga mulongoofu, memale yaaja eri weema edh'abatali balwaire. Aye anaamalanga enaku musanvu ng'ali ku luya lwa weema ye.

Abalevi 15:28

Omukazi oyo bw'anaalekeranga okuva omusaayi, anaateeganga ghaabitagho enaku musanvu, memale yaaba omulongoofu.

Abalevi 15:5

Era kiisi anaagemanga ku buliri obw'ow'obulwaire obwo, anaabanga n'okwoza ebivaalo bye era yaanaaba omubiri mu maadhi, era yaasigala nga tiimulongoofu okutuusa eigulo.

Abalevi 8:33

Mutava ku mulyango gwa Weema ey'Okwagaananirangamu ni Musengwa Katonda, okumala enaku musanvu, okutuusa emikolo egy'okwawulibwa kwaimwe lwe girimalirizibwa.

Abalevi 9:1

Ku lunaku olwairaku ng'emikolo egy'okwawulibwa giwoire, Musa yaayeta Aaroni ni batabane be, n'abakulembeze mu Isiraeli,

Okubala 12:14

Aye Musengwa Katonda yaamwiramu ati: “Nguli ise n'abaire ng'amufuudhie amatanta mu maiso, ti yandibaire na buswavu kumala nnaku musanvu? Kale leka asibirwe kuliya okw'ekifo abantu ghe baasimba weema dhaibwe okumala enaku musanvu, memale bamale bamwingize kabiri.”

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.

Yakobo 4:8

Museete kumpi ni Katonda, yeena aidha kuseeta kumpi n'imwe. Munaabe mu ngalo dhaimwe mwetukuze imwe abakozi b'ebibi. Mutukuze emyoyo gyaimwe imwe abaguya.

Okwolekebwa 1:5

Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,