Abalevi 14:8 - Baibuli Ekibono kya Katonda 2014

⁸ Omuntu oyo aja okutukuzibwa anaayozanga ebivaalo bye, yaamwaku enviiri dhoonadhoona, yaanaaba, olwo yaabalibwa nga mulongoofu, memale yaaja eri weema edh'abatali balwaire. Aye anaamalanga enaku musanvu ng'ali ku luya lwa weema ye.

Abalevi 14:8 ပူးပေါင်းရင်းမြစ်များ

2 Ebyomubyanda 26:21

Kyabazinga Uzzia yaaba n'endwaire eyo ey'ebigenge okutuusa lwe yafa. Era olw'okuba yali n'endwaire eyo, yaabanga mu ndhu yiye yenka, nga taikirizibwa kwingira mu isinzizo. Mutabane we Yothamu yaasigala nga n'akulira ekisaagaati kye eky'obwakyazinga, era nga n'afuga abantu b'ensi eyo.

Okuvaayo 19:10

Musengwa Katonda yaamukoba ati: “Ja y'abantu obatukuze olwaleero n'idho, era booze ebivaalo byaibwe,

Okuvaayo 19:14

Kale Musa yaika okuva ku lusozi, yaaja y'abantu yaabatukuza, era baayoza ebivaalo byaibwe.

Abalevi 11:25

Era kiisi anaabbeedanga ekitundu kyonakyona ku mulambo ogw'ensolo dhino anaabanga n'okwoza ebivaalo bye, aye era anaasigalanga nga tiimulongoofu okutuusa eigulo:

Abalevi 14:20

yaakighaayo ku alutaari ghalala n'ekigheebwayo eky'emere ey'empeke. Mu nsambo eyo kabona anaaghangayo omusengo olw'omuntu oyo, era omuntu oyo yaaba mulongoofu.

Abalevi 14:9

Ku lunaku olwomusanvu kabiri anaamwangaku enviiri dhoonadhoona, n'ekirevu, n'ebisige, n'obuviiri bwonabwona ku mubiri. Era anaayozanga ebivaalo bye, yaanaaba omubiri, olwo yaabalibwa nga mulongoofu.

Abalevi 15:13

“Ow'obulwaire obwo bw'anaawonanga obulwaire obwo, anaateegangaku enaku musanvu okwetukuza, memale yaayoza ebivaalo bye era yaanaaba omubiri mu maadhi agaviire mu nsulo edhikuuluula, olwo yaaba mulongoofu.

Abalevi 8:6

Agho yaaleeta Aaroni ni batabane be, yaakola omukolo ogw'okubanaaza n'amaadhi.

Okubala 6:9

“Omuntu eyeeghaayo okuba owa Musengwa Katonda bw'anaafuukanga atali mulongoofu olw'okuliiraana omuntu afiire ekikutuko, aidha kumalanga enaku musanvu nga tiimulongoofu. Ku lunaku olwomusanvu aidha kusalangaku enviiri ku mutwe gwe, yeetukuze.

Okubala 8:7

Kola oti: bamansireku amaadhi agatukuzaaku ebibi era obakobe basaleku enviiri edhibali ku mibiri gyaibwe dhoonadhoona. Bayoze engoye dhaibwe, olwo beetukuze.

Amateeka Agokubiri 21:12

onaamutwalanga ewuwo mu ndhu yo. Anaamwanga omutwe gwe, era yaasalaku n'enkumu.

1 Petero 3:21

Amaadhi ago gafaanana n'okubatizibwa okubalokola buti. Okubatizibwa okwo, ti n'okunaazaaku eiko ku mubiri, aye n'okweghemba Katonda atughe omwoyo omunaabuufu olw'okuzuukira kwa Yesu Kurisito.

Okwolekebwa 7:14

Naamwiramu nti: “Isebo, niiwe oidhi.” Yankoba ati: “Abo n'abaabita mu kudaazibwadaazibwa okunene ni baamula ebivaalo byaibwe n'omusaayi ogw'Entaama Ento, ni bifuuka ebyeru.