Abalevi 14:6 - Baibuli Ekibono kya Katonda 2014

⁶ Aidha kutoolanga enhonhi esigairegho enamu ghalala n'omuti gule oguwunha akawoowo, n'oluwuuzi lule olw'olugoye lw'erangi ya kasaayisaayi, n'akati kale akeetebwa hissopu, byonabyona yaabiinhika mu musaayi gw'enhoni eitiibwa.

Abalevi 14:6 ပူးပေါင်းရင်းမြစ်များ

Zabbuli 51:7

Nnaazaaku ebibi ndidha kutukula; era onhamule ndidha kuba mweru okusinga n'omugozi.

Abalevi 14:4

kabona oyo aidha kulagiranga okuleeta enhonhi ibiri enamu era enongoofu, n'omuti oguwunha akawoowo, n'oluwuuzi olw'olugoye olw'erangi ya kasaayisaayi, n'akati akeetebwa hissopu.

Abalevi 14:5

Agho kabona aidha kulagiranga okwitira eyindi ku nhonhi edho, mu kibya eky'eitosi omuli amaadhi agaviire mu nsulo edhikuuluula.

Abalevi 14:50

Aidha kwitiranga eyindi ku nhonhi edho, mu kibya eky'eitosi omuli amaadhi agaviire mu nsulo edhikuuluula.

Zekaria 13:1

Musengwa Katonda Afuga Amagye akoba ati: “Ekiseera ekyo bwe kirituuka, ensulo eriigulwagho olw'okunaaza ebibi n'obwonoonefu ku baidhukulu ba Daudi n'abantu b'omu Yerusalemu, basobole okwetukuza.

Yoanne 14:19

Esigaire akaseera katono ensi erekere okumbona aye nga imwe mumbona. Olw'okuba nze ndi mulamu, mwena mwidha kubanga balamu.

Ab'e Roma 4:25

Yesu oyo yaitibwa olw'ebibi byaife, yaazuukira tusobole okutoolebwaku omusango.

Ab'e Roma 5:10

kuba bwe twali nga tukaali bazigu ba Katonda, okufa kw'Omwana we kwatuleetera okwisania naye. Mperaano nga bwe twisania naye, obulamu obw'Omwana we bwidha kutulokolera irala.

Abaheburayi 1:3

Mu oyo ekitiisa kya Katonda mwe kibonekera, era mu oyo mwe tubonera irala Katonda nga bw'afaanana. Era oyo n'agemereire ebintu byonabyona n'ekibono kye eky'amaani. Bwe yamala okuwonia abantu ebibi byaibwe, yaatyama mu igulu ku luuyi olw'omukono omusaadha ogw'oyo asinga boonaboona obukumu.

Okwolekebwa 1:18

ate era omulamu. Nali nfiire, aye mperaano ndi mulamu ebyanda n'ebyanda, era nfuga okufa n'amagombe.

Okwolekebwa 1:5

Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,