Abalevi 14:18 - Baibuli Ekibono kya Katonda 2014

¹⁸ Omuzigo ogunaabanga nga gusigaire mu ngalo dhe, anaagusiiganga ku mutwe gw'oyo aja okulangirirwa nga mulongoofu. Agho kabona oyo anaaghangayo omusengo olw'okutukuza omuntu oyo, mu maiso ga Musengwa Katonda.

Abalevi 14:18 ပူးပေါင်းရင်းမြစ်များ

Okuvaayo 29:7

Bw'omala oidha kuleeta omuzigo ogusiigibwa ogumufuke ku mutwe omutukuze.

Abalevi 14:17

Anaatoolanga ku muzigo ogunaabanga nga gusigairegho mu ngalo dhe, ni ku musaayi ogw'ekigheebwayo ng'omutango, yaagusiiga ku ntobo ya kutu ow'oku mukono omusaadha, ni ku kyala ekisaadha eky'oku mukono omusaadha, ni ku kigere ekisaadha eky'oku mugulu omusaadha, ogw'oyo aja okulangirirwa nga mulongoofu.

Abalevi 15:15

Kabona anaabighangayo olw'ekigheebwayo olw'ebibi, n'olw'ekigheebwayo ekyokebwa. Mu nsambo eyo kabona anaabighangayo ng'omusengo mu maiso ga Musengwa Katonda, olw'okutukuzibwa okw'omuntu oyo.

Abalevi 4:20

Anaakolanga ku nte eyo nga bw'akola ku nte ey'ekigheebwayo olw'ebibi, olwo agheeyo omusengo olw'ebibi by'abantu abo basoniyibwe.

Abalevi 4:26

Amasavu gaayo goonagoona anaagookeranga ku alutaari, ng'oti ni bw'ayokya amasavu ag'ekigheebwayo olw'okutabagana. Atyo Kabona bw'anaaghangayo omusengo olw'ekibi ky'omufuzi, era omufuzi oyo aidha kusoniyibwanga.

Abalevi 4:31

Omuntu oyo aleese ensolo eyo, anaagitoolangamu amasavu goonagoona, ng'oti ni bwe gatoolebwa mu nsolo ey'ekigheebwayo olw'okutabagana. Olwo kabona yaagookera ku alutaari, gaavaamu akawoowo akasangaaza Musengwa Katonda. Atyo kabona bw'anaaghangayo omusengo olw'ekibi ky'omuntu oyo, era omuntu oyo aidha kusoniyibwanga.

Abalevi 4:35

Omuntu oyo aleese ensolo eyo, anaagitoolangamu amasavu goonagoona, ng'oti ni bwe gatoolebwa mu ntaama egheebwayo olw'okutabagana. Olwo kabona yaagookera ku alutaari ghalala n'eby'okulya ebigheebwayo eri Musengwa Katonda. Atyo kabona bw'anaaghangayo omusengo olw'ekibi ky'omuntu oyo, era omuntu oyo aidha kusoniyibwanga.

Abalevi 5:16

Era anaaleetanga ekyo ky'ataaghaayo, yaayongeraku n'omutango gwa kitundu kirala kirala ku buli bitundu bitaanu eby'ekyo ky'ataaghaayo. Ebyo anaabireetanga eri kabona, kabona oyo yaaghaayo ensolo eyo yaaba ekigheebwayo ng'omusengo olw'ebibi by'omuntu oyo, era omuntu oyo yaasoniyibwa.

Abalevi 8:12

Yaasiiga Aaroni omuzigo ku mutwe okumwawula.

Okubala 15:28

Kabona akoleranga mu maiso gange, nze Musengwa Katonda, omukolo ogw'okutoolebwaku ebibi olw'omuntu akoze ekibi nga tagendereire, era omuntu oyo asoniyibwanga.

Abaheburayi 2:17

Mbeeni kye kyava kimugwanira okuba nga baganda be mu byonabyona, memale asobole okugheereza Katonda ng'Omukulu wa Bakabona, ow'ekisa era omwesigwa, asoniyise abantu ebibi byaibwe.