Abalevi 14:17 - Baibuli Ekibono kya Katonda 2014

¹⁷ Anaatoolanga ku muzigo ogunaabanga nga gusigairegho mu ngalo dhe, ni ku musaayi ogw'ekigheebwayo ng'omutango, yaagusiiga ku ntobo ya kutu ow'oku mukono omusaadha, ni ku kyala ekisaadha eky'oku mukono omusaadha, ni ku kigere ekisaadha eky'oku mugulu omusaadha, ogw'oyo aja okulangirirwa nga mulongoofu.

Abalevi 14:17 ပူးပေါင်းရင်းမြစ်များ

Ezekieli 36:27

Ndibataamu omwoyo ogwange, naabaleetera okujiira ku mateeka gange, nga mukola bye mbalagira.

Abalevi 14:14

“Kabona anaatoolanga ku musaayi ogw'ekigheebwayo ng'omutango, yaagusiiga ku ntobo ya kutu ow'oku mukono omusaadha, ni ku kyala ekisaadha, ni ku kigere ekisaadha eky'oku mugulu omusaadha, ogw'oyo aja okulangirirwa ng'omulongoofu.

Abalevi 14:16

yainhika olwala lwe olw'oku mukono omusaadha mu muzigo ogwo oguli mu ngalo dhe edh'oku mugooda, yaagumansira emikuzi musanvu agho mu maiso ga Musengwa Katonda.

Abalevi 14:18

Omuzigo ogunaabanga nga gusigaire mu ngalo dhe, anaagusiiganga ku mutwe gw'oyo aja okulangirirwa nga mulongoofu. Agho kabona oyo anaaghangayo omusengo olw'okutukuza omuntu oyo, mu maiso ga Musengwa Katonda.

Abalevi 8:23

Musa oyo yaagiita, yaatoolaku omusaayi ogundi yaagusiiga ku ntobo ya kutu wa Aaroni ow'oku mukono omusaadha, ni ku kyala kye ekisaadha eky'oku mukono omusaadha, ni ku kigere kye ekisaadha eky'oku mukono omusaadha.

Abalevi 8:30

Musa yaatoola ku muzigo ogusiigibwa, ni ku musaayi ogwali ku alutaari, yaagumansira ku Aaroni ni ku bivaalo bye, era ni ku batabane be, ni ku bivaalo byaibwe. Mu nsambo eyo yaayawula Aaroni ni batabane be baaba ba Musengwa Katonda, ghalala n'ebivaalo byaibwe.

Yoanne 1:16

Olw'ekisa kye ekitawa, twenatwena atugha emikisa gye emikuzi kamaala.

1 Petero 1:2

Katonda Lata yabalonda ng'entegeka ye bwe yali, era Mwoyo we yaabatukuza musobole okugonderanga Yesu Kurisito, era mwamulwe n'omusaayi gwe. Enkabi n'emiraala byeyongerenga mu imwe.