Abalevi 13:45 - Baibuli Ekibono kya Katonda 2014

⁴⁵ “Omuntu alwaire ebigenge, anaavaalanga ngoye nkanufu, yaalekanga n'enviiri dhe nga ti nsunsule okwoleka enaku ye. Era anaaghembanga ku mutwe gwe, yaalangiriranga ati: ‘Tiri mulongoofu, tiri mulongoofu!’

Abalevi 13:45 ပူးပေါင်းရင်းမြစ်များ

Amainhama 37:29

Reubeni bweyairayo ku kiina n'ayagaana nga Yosefu aziramu, yaakanulamu ebivaalo bye olw'okunakughala.

2 Samueli 13:19

Tamari yeemansira eivu mu mutwe, yaakanulamu ekivaalo kye ekireeyi kye yali avaire, yeetwika emikono gye yaaja ng'ali kuwowoola.

2 Bakyabazinga 7:3

Agho ghaabaagho abasaadha bana abali n'endwaire ey'ebigenge nga bali kuliya kw'omulyango ogwingira mu kibuga Samaria. Beekobaana beene na beene bati: “Lwaki tuli kutyama obwa ghano okutuusa lwe tunaafa?

Yobu 1:20

Agho Yobu yaasituka, yaakanulamu ekivaalo kye era yaamwa omutwe gwe olw'okunakughala, yaakutama n'ekyeni kyatuuka ku itaka, yaasinza Katonda.

Yobu 42:6

Kale ni neemenhie era neenenia naatyama mu nkungu ni mu ivu.”

Zabbuli 51:3

Ndidhi okusobya kwange era ndidhukira ebibi byange buli kiseera.

Zabbuli 51:5

Bona, nagwa mu nda ya maama nga ndi mu kibi; nazaalibwa nga ndi mwonooni.

Isaia 52:11

Muje, muje, muve mu Babiloni, imwe ababbeeda ebintu ebikozesebwa mu isinzizo lya Musengwa Katonda. Mutagema ku kintu kyonakyona ekitali kirongoofu. Muje mwekuume nga muli balongoofu.

Isaia 6:5

Naakoba nti: “Nkagwireku era nfiire nze, kuba kiisi kye ndhogera tiikirongoofu, era n'abantu be ndimu bye boogera tiibirongoofu. Aye ate nze mwene mboine Kyabazinga Musengwa Katonda Afuga Amagye.”

Isaia 64:6

Twenatwena twafuuka ng'oti n'abatali balongoofu, n'ebikolwa byaife byonabyona ebirungi, biri ng'oti n'ekivaalo ekikongeire eiko. Olw'ebibi byaife, twenatwena tuli ng'oti makaba maniavu, era empewo etufuuwa ere yaatutwalikiza irala.

Yeremia 3:25

Twidha kulambaala mu nsoni, okuswala kwaife kutubwike ng'oti mwebwiko kuba ife ni badhaadha baife twakola ebibi eri Musengwa Katonda waife, okuva mu buto okutuusa ni ye buli eno, twaloba kugondera Musengwa Katonda waife by'akoba.”

Yeremia 36:24

Aye k'abe kyabazinga mwene, oba abakungu be abaawulira ebyo nga bisomebwa, tighaaligho naire omulala ati eyatya oba eyakanulamu ebivaalo bye okwoleka nga bw'anakughaire.

Okulira 4:15

Nga kiisi muntu ababonaku abasama busame ati: “Ja ere. Oli mwonoonefu. Ja, ja, ja. Tongema naku.” Kale baatambulatambulanga eyo batyo nga bazira ghe baba, era nga mu nsi dhoonadhoona ezira abasangaaza.

Ezekieli 24:17

Sindira mule kisiriikiriza, otalira oyo afiire. Otaleka kusiba kitambaala kyo ku mutwe, waire okuleka okuvaala engaito mu bigere olw'enaku. Era oteeghemba ku maiso, waire okulya emere abalizi ye balya ku lumbe.”

Ezekieli 24:22

Era olwo mwena mulikola nga nze bwenkoze, timulyeghemba ku maiso, waire okulya emere abalizi ye balya ku lumbe.

Yoeli 2:13

Mutakanulamu bivaalo byaimwe okwoleka nga bwe munakughaire, aye mwemenhe mu myoyo gyaimwe, ekyo n'ekibe kyoleke okwenenia kwaimwe.” Kale ni mwire ye Musengwa Katonda waimwe, kuba wa kivunika era asaasira inho. Agonza inho abantu obutalekera era yaabaguminkiriza. Buliidho aba mwetegefu okukyusa ebirowoozo bye, yaaloba kubabonereza.

Abalevi 10:6

Musa yaakoba Aaroni ni batabane be, Eleazari ni Ithamari, ati: “Mutaloba kusunsula nviiri dhaimwe era mutakanulamu ebivaalo byaimwe okwoleka nga munakughaire. Bwe munaakola ekyo mwidha kufa, era Musengwa Katonda aidha kusungughalira ekikunsu kyonakyona eky'abantu. Aye Baisiraeli banaimwe abandi boonaboona, baikirizibwa okulira olw'okufiirwa okwo, okuleeteibwa omuliro Musengwa Katonda gw'asindiike.

Abalevi 13:44

anaamulangiriranga ati tiimulongoofu, olw'endwaire eyo ey'ebigenge eri ku mutwe gwe.

Abalevi 21:10

“Omukulu wa Bakabona yasiigibwa omuzigo ku mutwe, era yaatukuzibwa okuvaala ebivaalo eby'obwakabona. N'olw'ekyo taalekenga nviiri dhe nga ti nsunsule, era taakanulengamu bivaalo bye kwoleka ng'anakughaire.

Mika 3:7

Abo abalengera ebiri mu maiso n'abalaguzi boonaboona baja kuswazibwa olw'okulemwa okukoba ebituufu. Baja kwegema mu maiso nga baswaire olwa Katonda okubasiriikirira.

Okubala 5:2

“Lagira Abaisiraeli babingengagho mu kifo ghe baasimba weema dhaibwe, abantu boonaboona abali n'endwaire ey'ebigenge, n'abo abava amasira mu mubiri, n'oyo yeenayeena atali mulongoofu olw'okwekonta ku mulambo.

Luka 17:12

Bwe yali aja okungira mu kabuga, yaayagaanana n'ab'endwaire ey'ebigenge ikumi, era baayemerera nga ghakaabulayo akata,

Luka 5:8

Simoni Petero bwe yabona atyo yaagwa ku bikiryaivu bya Yesu yaamukoba ati: “Musengwa ndeka kuba nze ndi mwonooni!”