Abalevi 12:2 - Baibuli Ekibono kya Katonda 2014

² “Kobera Abaisiraeli oti omukazi bw'anaatoolanga enda n'azaala omwana omulenzi, enaku omusanvu edhinaiririranga taabenga mulongoofu, ng'oti ni bw'ataba mulongoofu ng'ali mu biseera bye eby'okulwala.

Abalevi 12:2 ပူးပေါင်းရင်းမြစ်များ

Amainhama 1:28

Era yaabagha enkabi, yaabakoba ati: “Muzaale, mwale, mwidhuze ensi, mugifuge. Mufugenga ebyenhandha n'enhonhi, na kiisi kiramu ekitambula ku nsi.”

Amainhama 3:16

Yaakoba omukazi ati: “Ndidha kwongeranga obulumi bungi mu biseera byo ng'oli nda; mu bulumi mw'onaazaaliranga abaana. Ate nga oidha kwendanga inho okuba aghali balo, era aidhanga kukufuga.”

2 Samueli 11:4

Kale Daudi yaatuma abakwenda baamunona baamumutwalira, yaaba naye mu buliri. Omukazi oyo yali ali kwetukuza, nga yaakava mu kulwala okwa buli mwezi.

Yobu 14:4

Naani aghanga okufuula ekintu ekitali kirongoofu, ni kiba ekirongoofu? Ghazira naire omulala ati.

Yobu 15:14

Omuntu obuntu asobola okuba omulongoofu? Omuntu eyazaalibwa obuzaalibwe, Katonda aghanga okumubala ati mutuufu?

Yobu 25:4

Ghaligho omuntu yeenayeena asobola okuba omutuufu mu maiso ga Katonda? Omuntu eyazaalibwa obuzaalibwe, aghanga okuba omulongoofu?

Zabbuli 51:5

Bona, nagwa mu nda ya maama nga ndi mu kibi; nazaalibwa nga ndi mwonooni.

Abalevi 12:1

Musengwa Katonda yaalagira Musa ati:

Abalevi 12:5

Aye bw'anaazaalanga omwana omughala, anaamalanga enaku ikumi na ina nga tiimulongoofu, nga bw'ataba mulongoofu ng'ali mu biseera bye eby'okulwala. Olwo anaamalanga enaku edhindi nkaaga na mukaaga ng'atwalibwa okuba ng'akaali kutukuzibwa olw'omusaayi ogwamuvaamu ng'azaala.

Abalevi 15:19

“Omukazi bw'anaabanga ng'ali mu biseera bye eby'okulwala, anaamalanga enaku musanvu nga tiimulongoofu. Era kiisi anaamugemangaku, taabenga mulongoofu okutuusa eigulo.

Abalevi 18:19

“Otabanga na mukazi mu buliri ng'ali mu biseera bye eby'okulwala, kuba abalibwa obutaba mulongoofu.

Abalevi 5:3

Omuntu bw'anaagemanga ku kintu kyonakyona ekiviire ku muntu ekitali kirongoofu, nga tategeire, anaabangaku omusango amangu geene ng'ategeire ky'akoze.

Luka 2:22

Enaku edh'okutukuzibwa kwaibwe bwe dhaatuuka nga bwekiri mu Mateeka ga Musa, baamutwala e Yerusalemu okumughaayo ye Musengwa.