Abalevi 11:35 - Baibuli Ekibono kya Katonda 2014

³⁵ Buli kintu ekinaagwangamu ebintu ebyo ebitali birongoofu nga bifiire, tikiibenga kirongoofu, ka kibe ziiko ey'eitosi, oba mayiga amawumbe, ebyo binaamenhebwanga bumenhebwe. Ti birongoofu, era binaabanga kyenhinhalwa ye muli.

Abalevi 11:35 ပူးပေါင်းရင်းမြစ်များ

Yobu 39:8

Eyagaaza mu nsozi omuli ebyayiro mw'eriira, era omwo mw'enooneza buli kimera ky'erya.

Abalevi 11:33

Era ebintu ebyo ebibalirwa mu bitali birongoofu bwe bigwa mu kintu ekyawumbibwa mu itosi, byonabyona ebiri mu kintu ekyo tibiibenga birongoofu era ekintu ekyo kinaamenhebwanga.

Abalevi 11:34

Buli kya kulya ekiikirizibwa okuliibwa, ekifukiibwaku amaadhi agaviire mu kintu ekyo ekigwiremu ebintu ebyo ebitali birongoofu, tikiibenga kirongoofu, era buli kyakunhwa ekiri mu kintu ekyo, tikiibenga kirongoofu.

Abalevi 11:36

Aye ensulo oba ekidiba ekirimu amaadhi, binaasigalanga nga birongoofu, waire ng'ekintu ekindi kyonakyona ekigemye ku bintu byo nga bifiire tikiba kirongoofu.

Abalevi 13:52

Kabona anaakyokyanga, kuba eyo n'endwaire ey'ebigenge. Eteekwa okuzikirizibwa.

Abalevi 15:12

Ekintu eky'eitosi ow'obulwaire obwo ky'anaagemangaku, kinaamenhebwanga. Na buli kintu kya muti ky'anaagemangaku, kinaanaazibwanga mu maadhi.

Abalevi 6:28

Entamu ey'eitosi efumbiibwamu emamba yaakyo, enaamenhebwanga. Aye entamu ey'ekyuma eky'ekikomo bw'enaabanga nga n'efumbiibwamu emamba yaakyo, enaakolokotebwanga yaanaazibwa n'amaadhi.