Abalevi 11:29 - Baibuli Ekibono kya Katonda 2014

²⁹ “Ebiramu bino byona munaabibaliranga mu ebyo ebitali birongoofu: enfuko, empube, omudolome omunene n'ebindi ebiri mu kika kyagwo;

Abalevi 11:29 ပူးပေါင်းရင်းမြစ်များ

Amainhama 1:20

Agho Katonda yaakoba ati: “Amaadhi gabeemu ebitonde ebiramu ebya buli nsambo, era mu ibbanga mubeemu enhonhi nga dhiguluka.”

Zabbuli 10:3

Omukozi w'ebibi yeesaakiriza olw'okwegomba kwe okubi, era omuntu oyo agwidhubanira eby'okufuna, ayogera bubi ku Musengwa Katonda era yaamunhooma.

Ensambo 30:28

Omunha osobola okugugema mu ngalo dho, aye ogyagaana nga giri eyo mu bisaagaati bya bakyabazinga.

Isaia 66:17

Musengwa Katonda akoba ati: “Abo abeerongoosa ni beetukuza, era ni basimba enhiriri okuja ku mikolo egiba mu nimiro dhe basengamu emisambwa, ni balya emamba y'embiidhi, n'empube, n'ebyenhinhalwa ebindi, balizikirizibwa boonaboona ghalala.

Abalevi 11:28

Era oyo anaabbeedanga omulambo gw'ensolo eyo, anaabanga n'okwoza ebivaalo bye, aye era anaasigalanga nga tiimulongoofu okutuusa eigulo. Ensolo edho munaadhibaliranga mu dhitali nongoofu.

Abalevi 11:30

n'akafuuwante, n'embulu, n'omunha, n'omudolome, n'olukaanianvu.

Haggai 2:6

“Esigaireyo akaseera katono ntengeese eigulu n'ensi, n'obukalu n'enhandha.

Luka 12:15

Agho yaabakoba ati: “Mwegendereze era mweghale okululunkanira ebintu kwonakwona kuba obulamu obw'omuntu tibuli mu kuba na bintu ni bwe biba kamaala bitya.”

Luka 16:14

Mperaano Abafarisaayo, kuba baali benda inho eby'obukombe, bino byonabyona baabiwulira aye baamusekerera.

Yoanne 6:26

Yesu yaabairamu ati: “Bwenebwene ka mbakobere, muli kundhagala ti lwa kuba mwabona obumanhiso bwe nakola, aye muli kundhagala lwa kuba mwalya emigaati mwalekerera.

Yoanne 6:66

Okuva ku olwo Abeegeresebwa be kamaala baira einhuma baalekera okutambula naye.

Ab'Efeso 4:14

Era tube nga titukaali baana bato abayuuzibwayuuzibwa era abatwalibwa kiisi mpewo ey'endhegeresa y'abantu abaguya, abakiidhamya abandi n'obuguya bwaibwe.

Ab'e Filippi 3:19

Ekirisembayo eky'abantu abo kuliba kuzikirira, kuba katonda ye basinza, n'enda dhaibwe. Beesaaka olw'ebyo ebyandibaswaziiza era balowooza bya ku nsi kuno byonka.

Ab'e Kolosai 3:5

Kale mwite okwegomba okubi okuli mu imwe: obwenzi obudankaanu, okwegomba okw'ensoni, okuwugaawugana, obutaiguta, kuba kino kiri ng'oti kusinza ebitali Katonda.

Abaheburayi 13:5

Mulobenga kugonza mpiiya, aye bye muli nabyo bibamalenga. Katonda yakoba ati: “Tirikuvaaku naire era tirikulekulira agho naire.”