Abalevi 11:24 - Baibuli Ekibono kya Katonda 2014

²⁴ “Kiisi anaagemanga ku mulambo ogw'ensolo dhino anaafuukanga atali mulongoofu era anaasigalanga nga tiimulongoofu okutuusa eigulo.

Abalevi 11:24 ပူးပေါင်းရင်းမြစ်များ

Isaia 22:14

Musengwa Katonda Afuga Amagye yankoba ati: “Bwenebwene ekibi ekyo tija kukibasonigha okutuusa lwe mulifa.” Musengwa Katonda oyo Afuga Amagye atyo bw'akoba.

Abalevi 11:23

Aye ebisiisa byonabyona ebindi ebiri n'amaghagha, n'amagulu ana, binaabanga kyenhinhalwa ye muli.

Abalevi 11:25

Era kiisi anaabbeedanga ekitundu kyonakyona ku mulambo ogw'ensolo dhino anaabanga n'okwoza ebivaalo bye, aye era anaasigalanga nga tiimulongoofu okutuusa eigulo:

Abalevi 11:31

Ebyo munaabibaliranga mu bitali birongoofu. Kiisi anaabigemangaku nga bifiire, anaasigalanga nga tiimulongoofu okutuusa eigulo.

Abalevi 11:8

Mutalyanga ku mamba ya nsolo edho, waire okudhigemaku nga dhifiire. Ti nongoofu.

Abalevi 14:46

Kiisi anaingiranga mu ndhu eyo nga kabona agiigaire, taabenga mulongoofu okutuusa eigulo.

Abalevi 15:10

Kiisi anaagemanga ku kintu ow'obulwaire obwo ky'abaire atyaimeku, taabenga mulongoofu okutuusa eigulo. Era n'oyo anaakibbeedanga anaabanga n'okwoza ebivaalo bye era yaanaaba omubiri mu maadhi, aye era yaasigala nga tiimulongoofu okutuusa eigulo.

Abalevi 15:11

Ow'obulwaire obwo bw'anaagemanga ku muntu nga tamaze kunaaba mu ngalo, ole ye bagemyeku anaabanga n'okwoza ebivaalo bye era yaanaaba omubiri mu maadhi, aye era yaasigala nga tiimulongoofu okutuusa eigulo.

Abalevi 15:15

Kabona anaabighangayo olw'ekigheebwayo olw'ebibi, n'olw'ekigheebwayo ekyokebwa. Mu nsambo eyo kabona anaabighangayo ng'omusengo mu maiso ga Musengwa Katonda, olw'okutukuzibwa okw'omuntu oyo.

Abalevi 15:21

Kiisi anaagemanga ku buliri obw'omukazi oyo oba ku kintu kyonakyona ky'abaire atyaimeku, anaabanga n'okwoza ebivaalo bye era yaanaaba omubiri mu maadhi, aye era yaasigala nga tiimulongoofu okutuusa eigulo.

Abalevi 15:27

Na kiisi muntu anaagemanga ku bintu ebyo taabenga mulongoofu, anaabanga n'okwoza ebivaalo bye era yaanaaba omubiri mu maadhi, aye era yaasigala nga tiimulongoofu okutuusa eigulo.

Abalevi 15:5

Era kiisi anaagemanga ku buliri obw'ow'obulwaire obwo, anaabanga n'okwoza ebivaalo bye era yaanaaba omubiri mu maadhi, era yaasigala nga tiimulongoofu okutuusa eigulo.

Abalevi 15:6

N'oyo anaatyamanga ku kintu ow'obulwaire obwo ky'abaire atyaimeku, anaabanga n'okwoza ebivaalo bye era yaanaaba omubiri mu maadhi, aye era yaasigala nga tiimulongoofu okutuusa eigulo.

Abalevi 15:7

Era n'oyo anaagemanga ku w'obulwaire obwo anaabanga n'okwoza ebivaalo bye era yaanaaba omubiri mu maadhi, aye era yaasigala nga tiimulongoofu okutuusa eigulo.

Abalevi 15:8

Ow'obulwaire obwo bw'anaafuudhanga amatanta ku muntu omulongoofu, omuntu oyo anaabanga n'okwoza ebivaalo bye era yaanaaba omubiri mu maadhi, aye era yaasigala nga tiimulongoofu okutuusa eigulo.

Abalevi 16:26

Oyo asindiikiriza embuzi mu irungu eri Azazeli, anaayozanga ebivaalo bye era yaanaaba omubiri mu maadhi, memale yaira mu kifo omuba abantu.

Abalevi 16:28

Oyo abyokya anaayozanga ebivaalo bye, yaanaaba omubiri mu maadhi, memale yaira mu kifo omuba abantu.

Abalevi 22:4

“Ghatabangagho muntu yeenayeena ow'oku lulyo lwa Aaroni alwaire endwaire ey'ebigenge, oba atoonha okuva mu bitundu bye eby'ekyama olw'obulwaire, anaalyanga ku bintu ebitukuvu, okutuusa lw'anaamalanga okuba omulongoofu. Era kabona anaafuukanga atali mulongoofu bw'anaagemanga ku kintu ekifuuse ekitali kirongoofu, olw'okwekonta ku kintu ekifiire, oba olwa mwene okuvaamu amaadhi ag'obusaadha,

Abalevi 22:5

oba bw'anaagemanga ku kitonde kyonakyona ekitali kirongoofu, oba ku muntu yeenayeena atali mulongoofu.

Abalevi 22:6

Kiisi kabona anaafuukanga atali mulongoofu mu nsambo oti n'eyo, anaasigalanga nga tiimulongoofu okutuusa eigulo era atalyanga ku bigheebwayo ebitukuvu, okutoolaku ng'amaze okunaaba omubiri.

Abalevi 5:2

Omuntu bw'anaagemanga ku kintu ekitali kirongoofu nga tategeire, ka tukobe ng'emamba ey'ensolo ey'omu nsiko oba ey'ensolo enfuge etali nongoofu oba ey'ekintu ekyeghaluliza ku itaka, anaabangaku omusango amangu geene ng'ategeire ky'akoze.

Abalevi 7:21

Era omuntu bw'anaagemanga ku kintu ekitali kirongoofu ekiva ku muntu oba ku nsolo, oba ekintu ekindi ekyenhinhalwa, memale n'alya ku mamba y'omusengo ogugheebwayo eri Musengwa Katonda olw'okutabagana, omuntu oyo anaabanga takaabalirwa mu bantu ba Musengwa Katonda.”

Okubala 19:7

Bw'anaamala aidha kunaaba omubiri n'amaadhi era ayoze n'ebivaalo bye, memale aire mu kifo abantu ghe baasimba weema dhaibwe, aye era aidha kusigala nga tiimulongoofu okutuusa olw'eigulo.

1 Ab'e Korintho 15:33

Batabasubaghanga: “Emikwano emibi gyonoona empisa enkalamu.”

2 Ab'e Korintho 6:17

Kale Musengwa akoba ati: “Mweyawule ku bataikiriza Kurisito, mubaveemu. Era mutagemanga ku kitali kirongoofu, memale olwo zeena mbasangaaze.

Ab'Efeso 5:11

Muteeyimbanga mu kukola bintu bya mu nzikiiza ebiziramu nsa abantu bye bakola, aye mubyatuukirizenga.

Ab'e Kolosai 2:20

Oba nga bwe mwafa ni Kurisito mwawona okufugibwa emizimu egifuga ensi, memale lwaki muba oti mukaali ba nsi? Lwaki muwulira ebiragiro ng'oti ni bino:

Abaheburayi 9:26

Kuba nguli kyali kityo, Kurisito yandibaire ng'ali n'okudaagadaaga emikuzi kamaala kasookanga ensi etondebwe. Aye mu byanda bino ebisembayo yaboneka omukuzi mulala guti nga gumala, atoolegho ekibi olw'okweghaayo mwene.

1 Yoanne 1:7

Aye bwe tutambulira mu butangaavu ng'oyo bw'ali mu butangaavu, tuba twisania ife beene na beene era n'omusaayi gwa Yesu Omwana we gutunaazaku ebibi byonabyona.