Abalevi 10:9 - Baibuli Ekibono kya Katonda 2014

⁹ “Iwe ni batabane bo, bwe munaabanga munhweire ku mwenge ogw'emizabbibu, oba ekitamiiza ekindi kyonakyona, mutaingiranga mu Weema ey'Okwagaananirangamu ni Musengwa Katonda. Bwe mulikikola, muja kufa. Eiteeka eryo linaakuumibwanga ab'olulyo lwaimwe enaku dhoonadhoona.

Abalevi 10:9 ပူးပေါင်းရင်းမြစ်များ

Okuvaayo 27:21

Buli igulo Aaroni ni batabane baidha kugikunaanianga bagireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi y'Esanduuku ey'Endagaano, mu Kifo Ekitukuvu Einho, agho mu Weema ey'Okwagaananirangamu ni Musengwa Katonda. Eiteeka eryo linaakuumibwanga Abaisiraeli boonaboona ense n'ense.”

Ensambo 20:1

Omuntu anhwa einho omwenge yeereetera okunhoomebwa, yaasoola era yaalwana; era ole yeenayeena atwalirizibwa omwenge aba musiru.

Isaia 28:7

Bakabona n'abalanzi boona omwenge guboonoine, baatuuka n'okutagala olw'obutamiivu. Abalanzi tibakaategeera ebibalagibwa mu kubonekerwa, ni bakabona tibakaasala bukalamu nsonga dha bantu.

Ezekieli 44:21

Kabona taidha kwingiranga mu luya lwa munda ng'anhweire omwenge.

Hosea 4:11

Musengwa Katonda akoba ati: “Omwenge omusu n'oguwoze, gumala mu bantu bange okutegeera.

Abalevi 10:8

Musengwa Katonda yalagira Aaroni ati:

Abalevi 3:17

Mutalyanga ku masavu oba ku musaayi; eryo n'erinaabanga eiteeka ery'olubeerera, lye munaakuumanga buli ghe munaabanga enaku dhoonadhoona.”

Okubala 6:20

Era kabona anaabiwuubanga mu maiso ga Musengwa Katonda ng'ekigheebwayo nga kiwuubibwa. Ebintu ebyo ghalala n'akafumito akawuubibwa n'ekisambi ekigheebwayo, biidha kwawulwangaku bibe bya kabona. Olumaliira lw'ebyo Omunaziri anaabanga wa idembe okunhwa ku mwenge ogw'emizabbibu.

Okubala 6:3

aidha kwesambanga okunhwa omwenge ogw'emizabbibu n'eby'okunhwa ebindi ebitamiiza. Era taanhwenga mubisi gwonagwona ogukunhiibwa mu mizabbibu, oba okulya ku muzabbibu gwonagwona, ka gube ogukaziibwa oba ogukaali kukazibwa.

Luka 1:15

Kuba aliba mukulu mu maiso ga Musengwa era talinhwa mwenge gwa mizabbibu oba ekitamiiza kyonakyona. Aliidhuzibwa Mwoyo Mutukuvu ng'akaali mu nda ya inhina.

Ab'Efeso 5:18

Mutairanga mu kutamiira mwenge ogwidha okubaitaitana, aye mwidhule Mwoyo Mutukuvu.

1 Timotheo 3:3

Ateekwa okuba nga ti mutamiivu, ti mukambwe, aye nga muwombeefu atakanamuka, era azira mairu ga kufuna.

1 Timotheo 3:8

Abagheereza mu Kikunsu eky'Abaikiriza mu Kurisito boona bateekwa okuba abantu abakalamu, ti baguya, ti batamiivu, era abatagwidhubanira bya kufuna.

1 Timotheo 5:23

Otanhwanga maadhi gonka aye onhwangaku ni ku twenge otw'emizabbibu olw'enda yo n'olw'okulwalalwala kwo.

Tito 1:7

Omulabirizi nga bw'ali nti n'alabirira emirimo gya Katonda, tateekwa kuba na kimunenezebwa. Tateekwa kuba mudhoozi, waire asungughala amangu, waire omutamiivu, oba omukambwe, era nga tagwidhubanira bya kufuna.