Abalevi 10:7 - Baibuli Ekibono kya Katonda 2014

⁷ Mutava ku mulyango gwa Weema ey'Okwagaananirangamu ni Musengwa Katonda, lwe mutaafe, kuba muliku omuzigo ogwabasiigibwa okubaawula mube ba Musengwa Katonda.” Kale baakola nga Musa bweyakoba.

Abalevi 10:7 ပူးပေါင်းရင်းမြစ်များ

Okuvaayo 28:41

Bw'omala oidha kuvaaza muganda wo Aaroni ni batabane ebivaalo byaibwe ebyo, olwo obasiige omuzigo olw'okubatukuza obaawule, era obagemye omulimo ogw'okumpeereza nga bakabona.

Okuvaayo 29:7

Bw'omala oidha kuleeta omuzigo ogusiigibwa ogumufuke ku mutwe omutukuze.

Okuvaayo 30:30

Memale olwo osiige Aaroni ni batabane omuzigo obatukuze baghange okumpeereza nga bakabona.

Abalevi 10:8

Musengwa Katonda yalagira Aaroni ati:

Abalevi 8:12

Yaasiiga Aaroni omuzigo ku mutwe okumwawula.

Abalevi 8:30

Musa yaatoola ku muzigo ogusiigibwa, ni ku musaayi ogwali ku alutaari, yaagumansira ku Aaroni ni ku bivaalo bye, era ni ku batabane be, ni ku bivaalo byaibwe. Mu nsambo eyo yaayawula Aaroni ni batabane be baaba ba Musengwa Katonda, ghalala n'ebivaalo byaibwe.

Luka 9:60

Agho yaamukoba ati: “Leka abafu baziike abafu baibwe, aye iwe ja olangirire Obwakyabazinga bwa Katonda.”

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

2 Ab'e Korintho 1:21

Katonda n'atukakasa ife n'imwe nga mu Kurisito mwe tufunira obulamu, era mwene oyo n'eyatulobolamu.