Abalevi 10:15 - Baibuli Ekibono kya Katonda 2014

¹⁵ Banaaleetanga ekisambi ekigheebwayo obugheebwe n'ekifuba ekigheebwayo nga kiwuubibwa, nga baleeta amasavu okuba ekigheebwayo eri Musengwa Katonda ekyokebwa. Ebitundu ebyo banaabiwuubanga, bibe ebigheebwayo mu maiso ga Musengwa Katonda nga biwuubibwa. Era binaabanga bibyo era bya baana bo enaku dhoonadhoona, nga Musengwa Katonda bweyalagira.”

Abalevi 10:15 ပူးပေါင်းရင်းမြစ်များ

Amainhama 13:15

Ensi eyo yoonayoona y'oli kubona ndidha kugikugha iwe ni baidhukulu bo, ebe yaimwe ebyanda n'ebyanda.

Amainhama 17:13

Oyo anaazaalirwanga mu ndhu dhaimwe era n'oyo ye munaagulanga obugule, boonaboona bateekwa okukeketebwa. Ako kabe akamanhiso ak'oku mubiri akooleka ng'endagaano yange n'imwe bw'etaliwaagho.

Amainhama 17:17

Aburahamu yaakutama, n'ekyeni kyatuuka ku itaka. Era yaaseka yeebuuza mule ati: “Bwenebwene omusaadha ow'emyaka ekikumi aghanga okuzaala omwana? Era ni Sara ow'emyaka ekyenda anaaghanga okuzaala?”

Amainhama 17:8

Ndidha kukugha iwe ni baidhukulu bo ensi eno buti y'olimu ng'omusenze. Ensi yoonayoona Kanaani eidha kubanga ya baidhukulu bo ebyanda n'ebyanda era nze ndidha kubanga Katonda waibwe.”

Okuvaayo 29:27

“Era ku ntaama enume eyo egheebwayo olw'okwawulibwa kw'Aaroni ni batabane, oidha kutukuzaaku akafumito kaayo, n'ekisambi kyayo, byombi bibe ekigheebwayo nga kiwuubibwa.

Okuvaayo 29:28

Buli Baisiraeli lwe banaaleetanga akafumito n'ekisambi ng'ekigheebwayo olw'okutabagana, ebintu ebyo byombi binaateekwanga okuba ebya Aaroni ni batabane lubeerera. Ebintu ebyo n'ekigheebwayo abantu kye bampa nze Musengwa Katonda.

Abalevi 2:3

Ekyo ekisigalagho ku kigheebwayo ekyo eky'emere ey'empeke, kiba kya bakabona kitukuvu inho, kuba kitoolebwa ku ekyo ekigheereibwayo ye Musengwa Katonda, nga kyokebwa n'omuliro.

Abalevi 3:17

Mutalyanga ku masavu oba ku musaayi; eryo n'erinaabanga eiteeka ery'olubeerera, lye munaakuumanga buli ghe munaabanga enaku dhoonadhoona.”

Abalevi 7:34

Ekifuba ekigheebwayo nga kiwuubibwa n'ekisambi ekigheebwa kabona nga kitoolebwa ku musengo ogugheebwayo olw'okutabagana, mbitoire ku Baisiraeli okuva ku misengo gye baghaayo olw'okutabagana, naabigha Aaroni n'abaana be. Bino Abaisiraeli banaateekwanga okubigha bakabona enaku dhoonadhoona.

Okubala 5:9

Era kiisi kigheebwayo ekitukuvu eri Musengwa Katonda, Abaisiraeli kye banaaghangayo, kinaabanga kya kabona oyo ye bakigemeisa.