Abalevi 10:14 - Baibuli Ekibono kya Katonda 2014

¹⁴ Aye ekifuba ekigheebwayo nga kiwuubibwa, n'ekisambi ekigheebwayo obugheebwe, iwe ni batabane bo ni baghala bo, munaabanga ba idembe okubiriira mu kifo kyonakyona ekirongoofu, kuba ebyo bikugheebwa iwe n'abaana bo, nga n'omugabo gwaimwe bakabona, ku misengo egigheebwayo Abaisiraeli olw'okutabagana.

Abalevi 10:14 ပူးပေါင်းရင်းမြစ်များ

Okuvaayo 29:33

Baidha kulyanga ebintu ebyo ebinaaba bigheereibwayo ng'omusengo olw'ebibi byaibwe ku mukolo ogw'okubaawula. Era atali kabona atabiryangaku, kuba bitukuvu.

Ezekieli 42:13

Agho omusaadha yankoba ati: “Ebizimbe ebyo byombi ebirinzagainia n'oluya, ku luuyi olw'omukono omugooda olw'e buvandhuba ni ku luuyi olw'omukono omusaadha olw'e buvandhuba, bizimbe bitukuvu. Omwo bakabona abaseeta ye Musengwa Katonda, mwe banaaliiranga ebigheebwayo ebitukuvu einho. Era olw'okuba ebizimbe ebyo bitukuvu, omwo mwe banaaterekanga n'ebigheebwayo ebitukuvu einho: ebigheebwayo eby'emere ey'empeke, ebigheebwayo olw'ebibi, n'ebigheebwayo ng'omutango.

Abalevi 10:13

Mugiriire mu Kifo Ekitukuvu mwonka, kuba ogwo n'omugabo gwo iwe Aaroni, ni batabane bo, ku by'okulya ebigheebwayo eri Musengwa Katonda. Ekyo Musengwa kye yandagira.

Abalevi 22:13

Aye mughala wa kabona bw'aba namwandu oba ng'agobeibwa iba ng'aziraku mwana, era ng'aize mu ndhu ya ise okutyama, anaalyanga ku mere ya ise. Aye atali wa ku lulyo lwa kabona, atalyanga.

Abalevi 9:21

Aye ebifuba n'ebisambi eby'oku mukono omusaadha eby'ensolo edho, yaabighaayo eri Musengwa Katonda ng'abiwuuba, byaba ekigheebwayo mu maiso ga Musengwa Katonda nga kiwuubibwa ebintu ebyo biba bya bakabona, nga Musa bweyalagira.

Okubala 18:11

“Okwongereza ku ebyo, ebintu ebindi byonabyona Abaisiraeli bye banaaghangayo eri nze Musengwa Katonda ng'ekigheebwayo eky'endhawulo nga kiwuubibwa, biidha kubanga bibyo iwe, ni batane bo, ni baghala bo ng'omugabo gwe munaafunanga ebyanda n'ebyanda. Buli muntu yeenayeena ow'omu ndhu yo anaabanga wa idembe okubiryaku kasita anaabanga nga mulongoofu.

Okubala 5:9

Era kiisi kigheebwayo ekitukuvu eri Musengwa Katonda, Abaisiraeli kye banaaghangayo, kinaabanga kya kabona oyo ye bakigemeisa.

Yoanne 4:34

Yesu yaabakoba ati: “Emere yange n'okukola ebyo eyantuma by'ayenda, n'okumala omulimo gwe yampa.