Abalevi 10:13 - Baibuli Ekibono kya Katonda 2014

¹³ Mugiriire mu Kifo Ekitukuvu mwonka, kuba ogwo n'omugabo gwo iwe Aaroni, ni batabane bo, ku by'okulya ebigheebwayo eri Musengwa Katonda. Ekyo Musengwa kye yandagira.

Abalevi 10:13 ပူးပေါင်းရင်းမြစ်များ

Ezekieli 42:13

Agho omusaadha yankoba ati: “Ebizimbe ebyo byombi ebirinzagainia n'oluya, ku luuyi olw'omukono omugooda olw'e buvandhuba ni ku luuyi olw'omukono omusaadha olw'e buvandhuba, bizimbe bitukuvu. Omwo bakabona abaseeta ye Musengwa Katonda, mwe banaaliiranga ebigheebwayo ebitukuvu einho. Era olw'okuba ebizimbe ebyo bitukuvu, omwo mwe banaaterekanga n'ebigheebwayo ebitukuvu einho: ebigheebwayo eby'emere ey'empeke, ebigheebwayo olw'ebibi, n'ebigheebwayo ng'omutango.

Abalevi 10:12

Agho Musa yaakoba Aaroni ni batabane be abaasigalagho nga balamu, Eleazari ni Ithamari, ati: “Mutwale ekigheebwayo eky'emere ey'empeke ekisigairegho ku bigheebwayo eri Musengwa Katonda ebyokebwa, mubikolemu emigaati egitazimbulukusiibwa, mugiriire ku mbali kw'alutaari, kuba ekigheebwayo ekyo kitukuvu inho.

Abalevi 10:14

Aye ekifuba ekigheebwayo nga kiwuubibwa, n'ekisambi ekigheebwayo obugheebwe, iwe ni batabane bo ni baghala bo, munaabanga ba idembe okubiriira mu kifo kyonakyona ekirongoofu, kuba ebyo bikugheebwa iwe n'abaana bo, nga n'omugabo gwaimwe bakabona, ku misengo egigheebwayo Abaisiraeli olw'okutabagana.

Abalevi 2:3

Ekyo ekisigalagho ku kigheebwayo ekyo eky'emere ey'empeke, kiba kya bakabona kitukuvu inho, kuba kitoolebwa ku ekyo ekigheereibwayo ye Musengwa Katonda, nga kyokebwa n'omuliro.

Abalevi 6:16

Ekyo ekisigalagho bakabona n'abanaakiryanga. Kinaafumbwangamu emigaati egitazimbulukusiibwa, era baagiriira mu kifo ekitukuvu, mu luya lw'Eweema ey'Okwagaananirangamu ni Musengwa Katonda.

Okubala 18:10

Ebintu ebyo mwidha kubiriiranga mu Kifo Ekitukuvu Einho, era buli musaadha anaabanga wa idembe okubiryaku. Mubitwalenga nga bitukuvu.

Okubala 5:10

Kiisi ekigheebwayo ekinaagemesebwanga kabona kinaabanga kikye ku bubwe.”