Abalevi 10:11 - Baibuli Ekibono kya Katonda 2014

¹¹ Era mwegeresenga Abaisiraeli amateeka goonagoona ge mbaghaire nga mbita mu Musa.”

Abalevi 10:11 ပူးပေါင်းရင်းမြစ်များ

2 Ebyomubyanda 15:3

Abaisiraeli baamala ekiseera kinene nga bazira Katonda mwenemwene, era nga bazira kabona ayegeresa, waire okuba n'amateeka.

2 Ebyomubyanda 17:9

Baatwala ekitabo eky'Amateeka ga Musengwa Katonda, baaja nga babitabita mu bibuga byonabyona ebya Buyudaaya, nga beegeresa abantu amateeka ago.

2 Ebyomubyanda 30:22

Hezekia yaasiima Abalevi abaayoleka obukugu mu kugheereza Musengwa Katonda. Yaayogera nabo ng'abaizaamu amaani. Kale abantu baamala enaku musanvu nga bali kulya ebyali ku kibinuko. Baaghaayo emisengo egy'okutabagana n'egy'okwebaza eri Musengwa Katonda, Katonda wa badhaadha baibwe.

Nehemia 8:2

Kale ku lunaku olusooka olw'omwezi ogwomusanvu, Ezera kabona yaaleeta Ekitabo ekyo mu kifo abantu boonaboona, abasaadha, abakazi, n'abantu abandi boonaboona abaali nga basobola okutegeera, ghe baali nga beesololeiza.

Nehemia 8:8

Baasoma mu Kitabo eky'Amateeka ga Katonda mu nsambo etegeerekeka obukalamu, era nga bagha n'amakulu agalimu, abantu boonaboona baategeera ebisomeibwa.

Yeremia 18:18

Agho abantu beeteesa bati: “Mwidhe tubeeku ni kye tukola Yeremia ono. Ni bwetunaamutoolagho, tituja kubula bakabona ba kutugalagiranga, era tituja kubula bagezi ba kwebuuzangaku, waire okubulwa abalanzi abatukobera obukwenda bwa Katonda. Ka tumuteeku emisango, era tulekere okuwulirisanga by'akoba.”

Yeremia 2:8

Bakabona baaloba naire okwebuuzaaku bati, ‘Musengwa Katonda ali gha?’ N'abanamateeka boona baaloba okuumanha. Abafuzi bandheemera, abalanzi baalanga mu liina ly'omusambwa Baali, baajiira ku bintuntu ebiziramu makulu.”

Malaki 2:7

kuba bakabona omulimo gwaibwe gwa kwegeresa magezi amatuufu agava ye nze Musengwa Katonda Afuga Amagye. Era abantu bandibairenga nga baja ye bakabona abo okugalagirwa bye nhenda bakole.

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Ebikolwa by'Abatume 20:27

Ghazira kye nabagisa, nabakobera Katonda by'abendeza.

Amateeka Agokubiri 17:10

Olwo munaabanga nga muli n'okujiira ku nsala yaibwe, mwatuukiriza byonabyona bye balagiire aghazira kukyusaamu naire.

Amateeka Agokubiri 17:11

Munaikirizanga ensala yaibwe, era mwatuukirizanga byonabyona bye balagiire aghazira kukyusaamu waire ekintu ekirala kiti.

Amateeka Agokubiri 24:8

“Bwe munaalwalanga endwaire ey'ebigenge, mwidha kwegenderezanga okubona nga mutuukiriza byonabyona bakabona Abalevi bye babakoba. Bye nalagira bakabona abo bye mube mujiirengaku.

Amateeka Agokubiri 33:10

Baidha kwegeresanga abantu bo ebiragiro byo n'amateeka go. Baidha kuniokezanga obubbaani gh'oli. Baidha kughangayo emisengo egyokebwa ku alutaari yo.

1 Ab'e Thessalonika 4:2

kuba mwidhi bye twabagalagira ku lwa Musengwa Yesu.