Abalevi 1:17 - Baibuli Ekibono kya Katonda 2014

¹⁷ Agho kabona anaagigemanga amaghagha, yaagiyuza aye nga tagikutwiremu ghabiri, yaagyokera ku nku edhiri ku muliro ku alutaari ng'ekigheebwayo ekyokebwa, nga kyokeibwa n'omuliro. Akawoowo kaakyo kasangaaza Musengwa Katonda.

Abalevi 1:17 ပူးပေါင်းရင်းမြစ်များ

Amainhama 15:10

Aburamu yaaleeta ensolo edho ye Katonda, yaadhibaagamu ghabiri, yaata ebitundu ebyo ku ndhuyi ibiri ng'abirinzagainia. Aye enhonhi tiyadhibaagamu ghabiri.

Amainhama 8:21

Musengwa Katonda yaawunhiza akawoowo, yaasangaala, yaakoba mule ati: “Tikairayo kukolima nsi kabiri olw'omuntu by'akola, kuba omwoyo gwe gwidhwire bubi bwereere okuva mu buto bwe. Tikairayo kabiri kuzikiriza bintu biramu byonabyona nga bwe nkoze.

Zabbuli 16:10

kuba tiwandekulira agho ni bantwala magombe, oba okuleka omwiru wo akutya okuja mu bafu.

Abalevi 1:13

Aye byenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.

Abalevi 2:2

Ekigheebwayo ekyo anaakireetanga ye bakabona ab'oku lulyo lwa Aaroni. Owundi ku bakabona abo anaayoolangaku omuganda ku mere eyo eseereibwa obukalamu, yaagyokera ghalala n'omuzigo, n'obubbaani bwonabwona ako kabe nga n'akamanhiso akooleka nga byonabyona bigheereibwayo eri Musengwa Katonda. Akawoowo kaabyo kasangaaza Musengwa Katonda.

Abalevi 3:5

Bakabona ab'oku lulyo lwa Aaroni banaayokeranga ebyo byonabyona ku alutaari, ghalala n'ekigheebwayo ekyokebwa ekiromba ekiri ku nku ku muliro. Akawoowo kaabyo kasangaaza Musengwa Katonda.

Abalevi 5:8

Anaadhireetanga eri kabona, kabona yaasooka okughaayo eyo egheebwayo olw'ebibi, yaaginiola enkoto aye nga tagikutulaku mutwe.

Abalevi 6:14

“Gano n'amateeka aganaafuganga ekigheebwayo eky'emere ey'empeke: kabona ow'oku lulyo lwa Aaroni anaakighangayo eri Musengwa Katonda emberi gh'alutaari.

Abalevi 8:21

Era bweyamala okunaaza ebyenda n'ebibbonge, yaabyokera ku alutaari ghalala n'ebitundu ebyasigalagho, nga Musengwa Katonda bweyamulagira ekyo nga n'ekigheebwayo eri Musengwa Katonda ekyokebwa, ekiri n'akawoowo akamusangaaza.

Abalevi 9:13

Baamuleetera omutwe n'ebitundu ebindi eby'ensolo eyo, yaabyokera ku alutaari.

Okubala 15:3

Bwe munaayendanga okugha nze Musengwa Katonda ekigheebwayo okuva mu nte dhaimwe, oba mu ntaama dhaimwe, oba mu mbuzi dhaimwe, ng'ekigheebwayo ekyokebwa, oba ng'omusengo ogugheebwayo olw'okutuukiriza obweyamo, oba ng'ekigheebwayo eky'ekyeyendere, oba nga muli ku mbaga edh'ebibinuko ebyalagirwa, akawoowo ak'ebigheebwayo ebyo kaidha kunsangaazanga nze Musengwa Katonda.

Okubala 28:8

Entaama eyindi mwidha kugighangayo olw'eigulo, mu nsambo n'endala nga bwe munaabanga nga mughaireyo ey'oku nkyo nga kuliku ekigheebwayo eky'emere ey'empeke n'ekigheebwayo eky'ebyokunhwa ekijiiraku. Olwo ekyo kibe ekigheebwayo ekyokebwa, ekiri n'akawoowo akansangaaza nze Musengwa Katonda.

Matayo 27:50

Yesu kabiri yaaleekaana mu iroboozi ery'amaani, era bwe yamala yaisa omuuka ogwasembayo.

Yoanne 19:30

Yesu bwe yamala okugheebwa omwenge ogw'emizabbibu ogwo yaakoba ati: “Biwoire.” Yaakoteka omutwe yaaghaayo omwoyo gwe.

Ab'e Roma 4:25

Yesu oyo yaitibwa olw'ebibi byaife, yaazuukira tusobole okutoolebwaku omusango.

1 Petero 3:18

kuba ni Kurisito atyo bwe yafa olw'ebibi byaife omukuzi mulala guti era yaamala. Oyo aziraku kibi yaafiirira aboonooni, olwo atutuuse ye Katonda. Yaitibwa mu mubiri aye yairizibwa obulamu mu mwoyo.