Abalamuzi 9:6 - Baibuli Ekibono kya Katonda 2014

⁶ Abatyamye ab'e Shekemu n'ab'e Bethimillo boonaboona, beesoloza, baafuula Abimeleki kyabazinga, agho ghansi gh'omuti omukologho ogw'empagi e Shekemu.

Abalamuzi 9:6 ပူးပေါင်းရင်းမြစ်များ

2 Samueli 5:9

Agho Daudi yaaba mu kifo ekyo eky'okwewogomamu, yaakituuma eriina “Ekibuga kya Daudi.” Yaazimba ku kifo ekyo ekibuga okukyezunguluza, ng'aviira mu kifo kye baidhuzaamu eitaka olw'okwekuuma abazigu, ekyayetebwanga Millo, yaaja ng'aira munda.

1 Bakyabazinga 12:1

Agho Rehoboamu yaaja e Shekemu Abaisiraeli ye baali beesolokeiza okumufuula kyabazinga.

1 Bakyabazinga 12:20

Agho abantu ab'omu Isiraeli yoonayoona, bwe baawulira nga Yeroboamu aize okuva e Misiri, baamwetesa okwidha ghe baali beesololeiza, era baamufuula kyabazinga wa Isiraeli yoonayoona. Ekika kya Yuda kyonka n'ekyasigala nga kikaafugibwa ab'endhu ya Daudi.

1 Bakyabazinga 12:25

Agho Yeroboamu yaazimba ekibuga Shekemu mu kiketezo kya Efuraimu eky'oku nsozi, yaaba omwo. Era yaava agho yaazimba ekibuga Penueli.

2 Bakyabazinga 12:20

Abakungu be baakola olukwe baamwitira mu ndhu ey'omu kifo ekyaidhuzibwamu eitaka ekyetebwa Millo, ku ngira eja e Silla.

Yoshua 24:26

Yoshua yaaghandiika ebiragiro bino mu kitabo eky'amateeka ga Katonda. Agho yaatoola eibaale eikologho yaalisimba ghansi agh'omuti omuvule mu kifo kya Musengwa Katonda ekitukuvu.

Abalamuzi 9:5

Agho yaaja mu ndhu ya ise mu Ofura, yaitirayo, ku ibaale irala, baganda be ensanvu, batabane ba Gideoni. Aye Yothamu mutabane wa Gideoni asembayo obuto, yeekweka, yaaloba kwitibwa.

Abalamuzi 9:7

Yothamu bwe yakimanha, yaaja yaayemerera ghaigulu ku ngulu ku lusozi Gerizimu, yaayogerera ghaigulu, yaabalagiriza ati: “Mumpulirise imwe abatyamye b'e Shekemu, Katonda aghange okubawulira.