Abalamuzi 9:53 - Baibuli Ekibono kya Katonda 2014

⁵³ Aye omukazi yaasuula enso ey'oku lubengo ku mutwe gw'Abimeleki, yaamwawula ekighanga.

Abalamuzi 9:53 ပူးပေါင်းရင်းမြစ်များ

2 Samueli 11:21

Naani eyaita Abimeleki mutabane wa Yerubbeshethi? Omukazi tiyali ku kimante memale n'amusuulaku enso ey'olubengo, n'afiira e Thebezi? Lwaki mwaseeta kumpi inho n'ekimante mutyo?’ Oidha kumukoba oti, ‘N'omugheereza wo Uria Omuhitti yeena bamwise.’ ”

2 Samueli 20:21

Era ekyo ti kye ndi kuja okukola naire. Aye ghaligho omusaadha ava mu biketezo eby'oku nsozi ebya Efuraimu ng'ayetebwa Sheba mutabane wa Bikiri, eyadheemera kyabazinga Daudi. Kale ni mumugheeyo oyo yenka ati, ng'olwo nze ekibuga nkireka.” Omukazi yaamukoba ati: “Bona eno, omutwe gwe twidha kugukusuulira tugutumye ekimante.”

Yobu 31:3

Akabi tikaidhira boonooni, n'okuzikirira tikugwira babi?

Yeremia 49:20

Kale ni muwulire kye ntegeike okukola abantu b'omu Edomu, akabi ke neesoomeire okutuusa ku bantu b'omu kibuga Temani. Ni bwe baba abaana baibwe, abazigu balibakwekwebya baabatwala, era abantu boonaboona balitya inho.

Yeremia 50:45

Kale ni muwulire kye ntegeike okukola ku kibuga Babiloni, akabi ke neesoomeire okutuusa ku bantu baakyo. Ni bwe baba abaana baibwe, abazigu balibakwekwebya baabatwala, era abantu boonaboona balitya inho.

Abalamuzi 4:9

Debora yaamwiramu ati: “Bwenebwene ndidha kuja n'iwe. Aye ekitiibwa eky'obughanguzi tikiidha kuba kikyo, kuba Musengwa Katonda aidha kughaayo Sisera aghangulwe omukazi.” Agho Debora yaasituka, yaaja ni Baraki e Kedeshi.

Abalamuzi 9:15

Omuti namukodolya gwakoba emiti guti, ‘Oba nga bwene mwenda okunfuula kyabazinga waimwe, kale mwidhe mwewogome mu kinsense kyange. Aye oba nga ti n'ekyo, omuliro gwidha kuva mu nsaga dhange edh'amawa, gumalegho emivule egy'omu Lebanoni.’ ”

Abalamuzi 9:20

Aye oba nga ti bwekiri, omuliro ka guve mu Abimeleki gusaaniegho ab'omu Shekemu n'ab'e Bethimillo, era omuliro guve mu bantu ab'e Shekemu n'ab'e Bethimillo gusaaniegho Abimeleki.”

Abalamuzi 9:52

Abimeleki bwe yaja okulumba ekimante ekigumu ekyo, yaaseeta gha mulyango gwakyo okukikumaku omuliro.