Abalamuzi 9:37 - Baibuli Ekibono kya Katonda 2014

³⁷ Gaali yaakoba kabiri ati: “Bona, abantu bali kuserengeta nga bava ghagati gh'ekiketezo. Ghaligho ekikunsu eky'abantu ekindi ekiri kufuluma mu ngira ey'oku muti omukologho ogw'abalaguzi.”

Abalamuzi 9:37 ပူးပေါင်းရင်းမြစ်များ

Ezekieli 38:12

Olirumba abantu abali mu bifo ebyali byonooneibwa, waabanhagululaku ebintu byaibwe waabitwala ng'omunhago. Ebifo ebyo mpegaano birimu abantu abaasolozebwa eyo mu maghanga, nga buti bali n'ebyayo n'ebintu ebindi, era nga bamanhiibwa mu nsi yoonayoona.

Amateeka Agokubiri 18:14

Musa yaakoba Abaisiraeli ati: “Abantu ab'omu nsi eyo ye muli kumpi okutwala, bajiira ku bya bulaguzi na bya bulogo. Aye imwe, Musengwa Katonda waimwe tabaganha kujiira ku ebyo.

Abalamuzi 9:36

Gaali bwe yababona, yaakoba Zebuli ati: “Bona abantu bali kuserengeta nga bava ku ngulu okw'ensozi.” Aye Zebuli yaamwiramu ati: “Oli kubona binsense bya nsozi nga biri ng'oti bantu!”

Abalamuzi 9:38

Agho Zebuli yaamukoba ati: “Mpegaano okwesuutiriza kwo kujiire gha? Wakoba oti, ‘Abimeleki katyo naani, ife okumugheereza?’ Abo ni, n'abantu be wanhoomerera. Mpegaano weeveemu obalwanise.”