Abalamuzi 9:28 - Baibuli Ekibono kya Katonda 2014

²⁸ Gaali oyo mutabane wa Ebedi yaakoba ati: “Tuli bantu ba nsambo ki ife ab'omu Shekemu muno? Lwaki tugheereza Abimeleki? Ye Abimeleki oyo naani? Era abimeleki oyo ni Zebuli omukungu we, bombi tibaagheerezanga basaadha ba Hamori, lata wa Shekemu? Kale lwaki tumugheereza?

Abalamuzi 9:28 ပူးပေါင်းရင်းမြစ်များ

Amainhama 33:19

Yaaghaayo ebitundu bya feeza kikumi, okugula eitaka kwe yali amaze okuzimba weema dhe, ng'aligula ku baidhukulu ba Hamori lata wa Shekemu.

Amainhama 34:2

Shekemu, mutabane wa Hamori Omuhivi omufuzi mu nsi eyo bweyamubona, yaamugema era yaamukaka yaaba naye mu buliri.

Amainhama 34:6

Hamori, lata wa Shekemu, yaaja eri Yakobo okwogera naye.

2 Samueli 20:1

Ghaaligho omusaadha azira ky'agasa nga bamweta Sheba, mutabane wa Bikiri Omubenjamini. Sheba oyo yaafuuwa eigwala, yaakoba ati: “Ife tuzira mugabo na Daudi, Era tuzira kya nsikirano kye tuli nakyo na mutabane wa Yesse. Imwe Abaisiraeli, ka twireyo ewaife.”

1 Bakyabazinga 12:16

Abantu bwe baabona nga kyabazinga tabawuliriisa, baamwiramu bati: “Mugabo ki gwe tuli nagwo ni Daudi? Tuzira kye tuli nakyo kya nsikirano ni mutabane wa Yesse. Imwe Abaisiraeli, ka twireyo ewaife. Daudi alabirire ab'endhu ye.” Kale Abaisiraeli baagolola ewaibwe.

Abalamuzi 9:26

Agho Gaali mutabane wa Ebedi, yaidha n'aboluganda lwe, e Shekemu. Era abantu ab'e Shekemu baamutaamu obwesige,

Abalamuzi 9:41

Abimeleki yaaba mu Aruma. Zebuli yaabinga Gaali n'aboluganda lwe mu Shekemu, balobe kubangamu.

1 Samueli 25:10

Agho Nabali yairamu abagheereza ba Daudi abo, ng'akoba ati: “Daudi naani? Mutabane wa Yesse naani? Enaku dhino ghaligho abagheereza kamaala abeiba ku basengwa baibwe ni babalumukaku.