Abalamuzi 9:20 - Baibuli Ekibono kya Katonda 2014

²⁰ Aye oba nga ti bwekiri, omuliro ka guve mu Abimeleki gusaaniegho ab'omu Shekemu n'ab'e Bethimillo, era omuliro guve mu bantu ab'e Shekemu n'ab'e Bethimillo gusaaniegho Abimeleki.”

Abalamuzi 9:20 ပူးပေါင်းရင်းမြစ်များ

Zabbuli 140:10

Omuliro ogw'amanda ka gubamagalikeku gubasiriize, basuulibwe mu biina eyo ye batasobola kuva.

Zabbuli 28:4

Basasulemu ekigwana ebikolwa byaibwe n'ebibi bye bakola. Basasule ekyo ekigwana ebyo byonabyona bye baakola; ekyo ekibagwaniire ky'obe obaghe.

Abalamuzi 7:22

Abasaadha ba Gideoni bwe baafuuwa endeka dhaibwe ebikumi ebisatu, Musengwa Katonda yaaleetera ab'eigye ery'omuzigu buli muntu okulumba mwine, buli muntu ng'alwanisa mwine n'empiima. Baalumuka okutuuka e Bethi Shitta okwolekera Zerera, okutuuka ku nsalosalo ni Abeli Mehola, okumpi n'e Tabbathi.

Abalamuzi 9:15

Omuti namukodolya gwakoba emiti guti, ‘Oba nga bwene mwenda okunfuula kyabazinga waimwe, kale mwidhe mwewogome mu kinsense kyange. Aye oba nga ti n'ekyo, omuliro gwidha kuva mu nsaga dhange edh'amawa, gumalegho emivule egy'omu Lebanoni.’ ”

Abalamuzi 9:19

Kale ni oba nga kye mukoze Gideoni n'ab'endhu ye, mu kikoze mu mwoyo mulungi na mu mazima, mbeeni musangaalire Abimeleki, era yeena abasangaalire.

Abalamuzi 9:21

Agho Yothamu, olw'okutya muganda we Abimeleki, yaalumukira e Beeri, yaaba eyo.

Abalamuzi 9:23

Agho Katonda yaakyaghagania Abimeleki n'abantu b'omu Shekemu. Abantu ab'omu Shekemu baaghemukira Abimeleki nga tibakaali beesigwa y'ali.

Abalamuzi 9:44

Abimeleki n'ab'omu kikunsu ekyali naye, baaziinhuuka, baaja okukuuma omulyango ogw'ekibuga. Mu kiseera n'ekirala, ab'omu bikunsu bire ebibiri ebindi, baalumba abantu abaali mu nimiro, baabaita boonaboona.

Abalamuzi 9:6

Abatyamye ab'e Shekemu n'ab'e Bethimillo boonaboona, beesoloza, baafuula Abimeleki kyabazinga, agho ghansi gh'omuti omukologho ogw'empagi e Shekemu.