Abalamuzi 9:2 - Baibuli Ekibono kya Katonda 2014

² “Mubuuze abantu ab'e Shekemu boonaboona muti, ‘Kye mwenda n'ekiri gha ku bino: okufugibwanga batabane ba Gideoni boonaboona ensanvu, oba okufugibwanga omuntu omulala yenka?’ Mwidhukire nga nze ndi musaayi gwaimwe.”

Abalamuzi 9:2 ပူးပေါင်းရင်းမြစ်များ

Amainhama 29:14

Labani yaakoba ati: “Bwenebwene oli musaayi gwange era wa mu nda.” Yakobo yaamala naye omwezi mulamba.

2 Samueli 19:13

Kyabazinga Daudi era yaakoba Zadoki ni Abiathari ati: “Era mukobe Amasa muti, ‘Iwe ow'omusaayi ogwange gwene, okuva ni mpegaano bw'otaafuuke muduumizi wa igye lyange mu kifo kya Yoabu, Katonda agwananga yambonereza inho.’ ”

1 Ebyomubyanda 11:1

Agho Abaisiraeli boonaboona beesoloza, baidha ye Daudi e Heburoni, baamukoba bati: “Bona eno, ife tuli baluganda era ba musaayi mulala n'iwe.

Ab'Efeso 5:30

kuba tuli bitundu bya mubiri gwe.

Abaheburayi 2:14

Kale, ng'abo Yesu b'ayeta abaana bwe bali abantu obuntu, yeena mwene yafuuka omuntu nga beene. Yakola atyo asobole okufa, era ng'abita mu kufa kwe azikirize Sitaani, ali n'obukumu ku kufa.

Abalamuzi 8:30

Yaazaala abaana ab'obulenzi nsanvu, kuba yali n'abakazi kamaala.

Abalamuzi 9:18

Aye imwe olwaleero mwefuuliire ab'endhu ya lata wange mwaitira ku ibaale irala batabane be, abantu ensanvu. Mwatoola Abimeleki, mutabane w'omwiru omukazi owa lata wange, mwamufuula kyabazinga ow'e Shekemu, kuba waluganda lwaimwe.

Abalamuzi 9:5

Agho yaaja mu ndhu ya ise mu Ofura, yaitirayo, ku ibaale irala, baganda be ensanvu, batabane ba Gideoni. Aye Yothamu mutabane wa Gideoni asembayo obuto, yeekweka, yaaloba kwitibwa.