Abalamuzi 8:33 - Baibuli Ekibono kya Katonda 2014

³³ Gideoni nga yaakafa, Abaisiraeli baakyuka kabiri, bairamu obutaba beesigwa ye Katonda. Baasinzanga Baali, era baafuula Baali Berithi okuba omusambwa gwaibwe.

Abalamuzi 8:33 ပူးပေါင်းရင်းမြစ်များ

2 Bakyabazinga 12:2

Yoashi yaakolanga ebituufu Musengwa Katonda by'asiima ekiseera kyonakyona, kuba Yehoiada kabona ng'atyo bw'amwegeresa.

Yeremia 23:27

Balowooza bati ebirooto byaibwe bye bakobera abantu, binaaleetera abantu bange abo okuneerabira, ng'oti ni badhaadha baibwe bwe baaneerabira ni baira mu kusinza omusambwa Baali?

Yeremia 3:9

baaloba kugemwa na nsoni. Olwo baaleetera ensi okwonooneka, olw'obutaba beesigwa ye ndi, ni baja basinza obw'amabaale n'emiti.

Yoshua 24:31

Abaisiraeli baagheerezanga Musengwa Katonda ekiseera kyonakyona Yoshua kye yamala ng'ali kubakulembera, era n'ekiseera ekyairirira kye baamala nga bakulemberwa abakulu ab'ebikunsu Yoshua be yalekagho. Abakulu abo n'abaamanha ebyo byonabyona Musengwa Katonda bye yakolera Isiraeli.

Abalamuzi 10:6

Agho Abaisiraeli kabiri baakola ebibi ye Musengwa Katonda, nga basinza emisambwa, Baali ni Ashitarothi. Era baasinza bakatonda b'Abasiria, n'ab'Abasidoni, n'ab'Abamoabu, n'ab'Abammoni, n'ab'Abafilisiti. Abaisiraeli abo, baava ku Musengwa Katonda, baalekera agho okumusinza.

Abalamuzi 2:12

Baava ku Musengwa Katonda, Katonda wa badhaadha baibwe eyabatoola mu nsi Misiri, baasinza emisambwa egy'abantu abaali nga babeezungulwire. Baakubira emisambwa egyo amakiryaivu, era mu nsambo eyo baaleetera Musengwa Katonda okusungughala.

Abalamuzi 2:17

Aye Abaisiraeli baaloba kuwulirisa bakulembeze baibwe. Baaloba kuba beesigwa ye Musengwa Katonda, baasinza emisambwa. Waire nga badhaadha baibwe baawuliranga ebiragiro bya Musengwa Katonda, bano tibaakola batyo naire.

Abalamuzi 2:19

Aye buli mukulembeze bwe yafanga, abantu bairangayo mu mize gyaibwe egy'eira, baabanga babi n'okusinga badhaadha baibwe. Baagheerezanga emisambwa era baagikubiranga amakiryaivu okugisinza, era baalobanga kulekayo mpisa dhaibwe embi naire endala.

Abalamuzi 3:7

Agho Abaisiraeli beerabira Musengwa Katonda waibwe. Baayonoona y'ali, nga basinza emisambwa Baali ni Ashera.

Abalamuzi 8:27

Gideoni yaakola mu zaabu oyo ekisinzibwa ekitali Katonda, yaakita mu kibuga kye ekiri mu Ofura. Abaisiraeli boonaboona baava ku Katonda, baajangayo okukisinza, kyafuuka omutego eri Gideoni n'ab'omu maka ge.

Abalamuzi 8:32

Agho Gideoni mutabane wa Yoashi yaafa ng'akairiighe inho yaawola n'okuwola. Baamuziika mu lwambiidhi lwa lata we Yoashi, mu Ofura, ekibuga ekya Ababiezeri.

Abalamuzi 9:27

baaja mu masamba gaibwe ag'emizabbibu, baanoga emizabbibu baagikunhamu omwenge. Era baakola ekibinuko, baingira mu isabo ly'omusambwa gwaibwe, baalya, baanhwa, era baavumirira Abimeleki.

Abalamuzi 9:4

Baamugha ebitundu bya feeza nsanvu, bye baatoola mu isabo lya Baali Berithi. Empiiya edho, Abimeleki dhe yakozesa okupangisa abasaadha abazira kye bagasa naire era ababbamu, abaamunonereza.

Abalamuzi 9:46

Abantu boonaboona abaali mu munaala ogw'e Shekemu bwe baawulira ekyo, baaja baingira mu kifo eky'okwewogomamu mu isabo lya Eliberithi.