Abalamuzi 8:26 - Baibuli Ekibono kya Katonda 2014

²⁶ Empeta dhe yafuna dhaazitogha kilo kumpi amakumi abiri, nga tobaliireeku byamadholobera byakolebwa mu bifaananie ebiri ng'oti mwezi ogwakaboneka, n'ebinhere eby'omu nkoto, n'engoye dha nakasooma bakyabazinga ab'e Midia dhe baali nga bavaire, n'endhegere edhaali mu nkoto edh'engamiya dhaibwe.

Abalamuzi 8:26 ပူးပေါင်းရင်းမြစ်များ

Ensambo 31:22

Yeekolera mwene emyebwiko, era yaavaala engoye empegheevu n'edha nakasooma.

Isaia 3:18

Olunaku olwo bwe lulituuka, Musengwa Katonda alitoola ku bakazi ab'e Yerusalemu ebintu eby'okwewoomya byonabyona ebibaleetera okwekuluntaza: ebyamadholobera bye bavaala mu bukongoivule, ni bye bavaala ku mitwe, ni bye bavaala mu nkoto,

Yeremia 10:9

Ebifaananie ebyo baabirimbyaku feeza ye baatoola e Tarushishi, ni zaabu ye baatoola mu Ufazi. Era abagheesi b'ebintu bya zaabu n'abakola ebifaananie ebyo n'obukugu. Baabivaaza engoye dha langi ya bbululu n'edh'eya nakasooma, edhaakolebwa abalusi b'engoye abakugu.

Ezekieli 27:7

Baakola amatanga go mu ngoye edhaalukibwa obukalamu einho edhaavanga e Misiri. Amatanga ago nga n'agakola nga bendera yo. Baakughembaku engoye enungi edh'erangi ya bbululu n'edh'eya nakasooma, okuva mu bizinga eby'e Elisha.

Luka 16:19

“Ghaaligho omusaadha omukombe eyavaalanga ebivaalo bya nakasooma nga byakolebwa mu ngoye mpegheevu, era nga buli lunaku yabanga oti ali ku mbaga.

Yoanne 19:2

Abaisirukale baatoola amawa baagalukamu engule baagamuvaaza ku mutwe era baamuvaaza ekivaalo kya langi ya nakasooma eky'abakungu.

Yoanne 19:5

Kale Yesu yaafuluma ku luya ng'avaire engule ey'amawa n'ekivaalo eky'erangi ya nakasooma eky'abakungu. Pilato yaabakoba ati: “Omuntu wuuno!”

Okwolekebwa 17:4

Omukazi oyo yali avaire ebivaalo eby'ebitiibwa ebya nakasooma n'ebimyufu, ng'ali kutoonha zaabu, n'ebinhere, n'ebikomo eby'amabaale ag'omughendo einho. Yali agemye ekikopo kya zaabu nga kiidhwire ebyenhinhalwa n'eikoodera eby'obwenzi bwe.

Okwolekebwa 18:12

Nga ghazira agula zaabu, feeza, binhere, bikomo bya mabaale ga mughendo, ngoye mpegheevu edh'ebitiibwa edha nakasooma n'edha liiri n'edha kasaayisaayi, waire okubaagho agula ekintu eky'omuti ogwa kawoowo, oba eky'eisanka, oba eky'omuti ogw'omughendo, oba eky'ekyuma eky'ekikomo, oba eky'ekyuma ekigumu einho, oba eky'amabaale ag'omughendo agamirimiinha.

Okwolekebwa 18:16

nga bakoba bati: “Okagwireku! Okagwireku iwe ekibuga ekikologho, eyavaalanga ebivaalo ebighegheevu eby'ebitiibwa ebya nakasooma n'ebya kasaayisaayi; ng'otoonha zaabu n'ebinhere, n'ebikomo eby'amabaale ag'omughendo.

Abalamuzi 8:21

Agho Zeba ni Zalumunna baakoba Gideoni bati: “Iwe mwene, niiwe obe otwite, kuba ekikolwa ng'oti n'ekyo, kikolebwa musaadha!” Gideoni yaasituka, yaita Zeba ni Zalumunna era yaatwala ebyamadholobera ebyali mu nkoto dh'engamiya dhaibwe, nga byakolebwa mu kifaananie ekiri ng'oti mwezi nga gwakaboneka.

Abalamuzi 8:25

Bale bairamu bati: “Twidha kuba basangaavu okudhikugha.” Baayalagho olugoye, kiisi muntu yaata okwo empeta dh'omu matu dhe yanhaga.

Abalamuzi 8:27

Gideoni yaakola mu zaabu oyo ekisinzibwa ekitali Katonda, yaakita mu kibuga kye ekiri mu Ofura. Abaisiraeli boonaboona baava ku Katonda, baajangayo okukisinza, kyafuuka omutego eri Gideoni n'ab'omu maka ge.