Abalamuzi 8:23 - Baibuli Ekibono kya Katonda 2014

²³ Gideoni yaabairamu ati: “Nze tija kubafuganga, waire mutabane wange. Musengwa Katonda n'anaabafuganga.”

Abalamuzi 8:23 ပူးပေါင်းရင်းမြစ်များ

Zabbuli 10:16

Musengwa Katonda ni kyabazinga ow'ebyanda n'ebyanda, abatamutya tibaja kubanga mu nsi ye.

Zabbuli 149:2

Abaisiraeli ka basangaale olw'oyo Eyabatonda; abantu ab'omu Sioni basagambe olwa Kyabazinga waibwe oyo.

Isaia 33:22

Musengwa Katonda mwene n'aliba omulamuzi waife, yaaba kyabazinga waife atufuga, era yaaba omulokozi waife.

Isaia 63:19

Twafuuka ng'oti n'abantu b'otafugangaku, abatabangaku babo naire.

2 Ab'e Korintho 1:24

Ti twenda kubalagira bulagire bye muteekwa kwikiriza kuba twidhi nga muli bagumu mu kwikiriza, aye twenda tukolere ghalala memale musangaale.

1 Petero 5:3

Mulobenga kwebisa oti bafuzi mu byayo omwo, aye mubenga kya kuboneraku.

Abalamuzi 10:18

Abakulembeze b'Abaisiraeli mu Gileadi beebuuzagania beene na beene bati: “Naani anaakulembera olutalo olw'okulwanisa Abammoni? Oyo n'aidha okuba omukulembeze ow'abatyamye boonaboona ab'omu Gileadi.”

Abalamuzi 2:18

Musengwa Katonda bwe yateerangagho Abaisiraeli omukulembeze, Musengwa Katonda oyo ng'aba ghalala n'omukulembeze oyo, era yaawonianga abantu abazigu baibwe, ekiseera kyonakyona omukulembeze oyo kye yamalanga ng'akaali mulamu. Musengwa Katonda yabagemerwanga ekivunika, kuba baasindanga olw'abo abaabadaazadaazanga ni babatuntuza.

Abalamuzi 8:22

Agho Abaisiraeli baakoba Gideoni bati: “Tufugenga, iwe mwene, ni batabane bo, n'abaidhukulu bo, kuba otuwoniiza Abamidia.”

1 Samueli 10:19

Aye olwaleero muviire ku Katonda waimwe abawonia ebibamba n'ebizibu ebibagwira. Era munkobye mbateeregho kyabazinga abafuge. Kale ni, buti mwesoloze nga muli munda dhaimwe ni mu bika byaimwe.’ ”

1 Samueli 12:12

Aye bwe mwabona nga kyabazinga Nahashi ow'Abammoni ali kwidha okubalumba, mwaloba Musengwa Katonda waimwe okuba kyabazinga waimwe. Mwankoba muti, ‘Twenda kyabazinga n'abe atufugenga.’