Abalamuzi 8:21 - Baibuli Ekibono kya Katonda 2014

²¹ Agho Zeba ni Zalumunna baakoba Gideoni bati: “Iwe mwene, niiwe obe otwite, kuba ekikolwa ng'oti n'ekyo, kikolebwa musaadha!” Gideoni yaasituka, yaita Zeba ni Zalumunna era yaatwala ebyamadholobera ebyali mu nkoto dh'engamiya dhaibwe, nga byakolebwa mu kifaananie ekiri ng'oti mwezi nga gwakaboneka.

Abalamuzi 8:21 ပူးပေါင်းရင်းမြစ်များ

Zabbuli 83:1

Wo Katonda, otasirika busirike, waire okuba obwagho nga toli kufaayo.

Zabbuli 83:11

Abafuzi baibwe bakole nga bwe wakola Orebu ni Zeebu, n'abakungu baibwe obakole nga bwe wakola Zeba ni Zalumunna.

Zabbuli 83:12

Abo n'abaakoba bati: “Ka twetwalire eitaka lya Katonda libe lyaife ku bwaife.”

Isaia 3:18

Olunaku olwo bwe lulituuka, Musengwa Katonda alitoola ku bakazi ab'e Yerusalemu ebintu eby'okwewoomya byonabyona ebibaleetera okwekuluntaza: ebyamadholobera bye bavaala mu bukongoivule, ni bye bavaala ku mitwe, ni bye bavaala mu nkoto,

Yoshua 10:26

Bwe yamala, yaita bakyabazinga abo era yaabaghanika ku miti etaanu. Emirambo gyaibwe gyalengeedhera okwo okutuusa olw'eigulo.

Okwolekebwa 9:6

Era mu nnaku edho abantu balyagala okufa aye baaloba kukubona, balyegomba okufa aye okufa kwabeesamba.

Abalamuzi 15:12

Baamukoba bati: “Twidhie kukusiba, tukugheeyo ye bali.” Samusoni yaabakoba ati: “Mulayire muti timwidha kundhita imwe beene.”

Abalamuzi 8:20

Agho yaakoba mutabane we omuberi, Yetheri, ati: “Situka, obaite!” Aye omwisuka oyo yaaloba kusowolayo mpiima ye. Yatya, kuba yali akaali mulenzi bulenzi.

Abalamuzi 8:22

Agho Abaisiraeli baakoba Gideoni bati: “Tufugenga, iwe mwene, ni batabane bo, n'abaidhukulu bo, kuba otuwoniiza Abamidia.”

Abalamuzi 8:26

Empeta dhe yafuna dhaazitogha kilo kumpi amakumi abiri, nga tobaliireeku byamadholobera byakolebwa mu bifaananie ebiri ng'oti mwezi ogwakaboneka, n'ebinhere eby'omu nkoto, n'engoye dha nakasooma bakyabazinga ab'e Midia dhe baali nga bavaire, n'endhegere edhaali mu nkoto edh'engamiya dhaibwe.

Abalamuzi 9:54

Agho Abimeleki yaayangugha okweta omwisuka eyamugemeranga eby'okulwanisa bye, yaamulagira ati: “Sowolayo empiima yo ondhite, abantu balobenga kundhogeraku bati mukazi n'eyandhita.” Kale omwisuka yaamufumita yaafa.

1 Samueli 31:3

Olutalo lwanhigiriza inho Saulo, ab'obulaso baamwagaana baamulasa, baamutaaku ebibwa ebinene einho.

1 Samueli 31:5

Ole eyagemeranga Saulo eby'okulwanisa bwe yabona nga Saulo afiire, yeena yeetunga ku mpiima eyiye, yaafiira ghalala naye.