Abalamuzi 8:1 - Baibuli Ekibono kya Katonda 2014

¹ Agho abasaadha b'Efuraimu baakoba Gideoni bati: “Lwaki watubisa otyo, n'otatwetaku ng'oja okulwanisa Abamidia?” Baamunenia inho n'amaani.

Abalamuzi 8:1 ပူးပေါင်းရင်းမြစ်များ

2 Samueli 19:41

Abaisiraeli boonaboona baaja ye kyabazinga baamukoba bati: “Lwaki baganda baife ab'omu kika kya Yuda baakutwibaku ni bakusomosa omwiga Yorudani iwe Isebantu kyabazinga, n'ab'endhu yo, n'abantu boonaboona be wali nabo?”

2 Samueli 19:42

Ab'omu kika kya Yuda bairamu Abaisiraeli bati: “Lwa kuba kyabazinga n'ife, tuli ba nda ndala. Kale lwaki ekyo kibasungughaza? Ghalighooku ekintu waire ekirala kiti ekya kyabazinga kye tuliire? Oba ghalighooku ekirabo kyonakyona ky'atughaire?”

Yobu 5:2

Bwenebwene okweraliikirira kwita omusiru, n'ensaalwa eita azira magezi.

Ensambo 15:1

Omuntu airamu nga yeewooya amalagho obusungu, aye ole ayogera n'eikabyo abusiikuula busiikuule.

Omulangirizi 4:4

Agho naabona ng'ekireetera abantu okukola einho ni bakuguka mu mirimo, kuba kwegomba kufuna ebirungi banaibwe bye baba nabyo. Ekyo kyona muzira muganhulo, era kiri ng'oti kubinga mpewo ogigeme.

Hosea 13:1

Mu biseera ebyabita, ab'ekika kya Efuraimu bwe baayogeranga, ng'ab'ebika ebindi mu Isiraeli badhugumira. Abaefuraimu abo baateebwangamu ekinhagansi. Aye nga bwe beereetera omusango olw'okusinza omusambwa Baali, bali n'okufa.

Abalamuzi 8:2

Aye yaabakoba ati: “Kye nakola kitono inho, bw'okigerangerania n'ekyo imwe kye mukoze. Imwe abantu aba Efuraimu kye mukoze, kisinga ghala ekyo ife ab'endhu ya Abiezeri kye tukoze.