Abalamuzi 7:8 - Baibuli Ekibono kya Katonda 2014

⁸ Kale Gideoni yaasindika Abaisiraeli boonaboona bairayo ewaibwe, okutoolaku bale ebikumi ebisatu, be yasigala nabo, ni basigaza eby'okulya byonabyona n'amagwala. Weema edh'Abamidia dhaali nga dhibali ghansi mu kiiko.

Abalamuzi 7:8 ပူးပေါင်းရင်းမြစ်များ

Isaia 27:13

Ku lunaku olwo, eigwala lirivuga n'amaani, okweta Abaisiraeli boonaboona abaliba mu Assiria ni mu Misiri, baidha baasinza Musengwa Katonda ku lusozi olutukuvu mu Yerusalemu.

Abalevi 23:24

“Kobera Abaisiraeli oti ku lunaku olusooka olw'omwezi ogwomusanvu, ghanaabangagho okuwuumulira irala olw'ekiidhukizo. Kunaalangirirwanga nga bafuuwa endeka, era muneesolozanga okusinza.

Abalevi 25:9

Agho ku lunaku olweikumi olw'omwezi ogwomusanvu, olunaku olw'okutoolebwaku ebibi, munaatumanga omuntu yaaja ng'afuuwa endeka mu nsi yaimwe mwonamwona.

Okubala 10:9

Bwe munaabanga muja okulwana olutalo mu nsi yaimwe ng'omuzigu abalumbye, mwidha kufuuwanga amagwala ng'akamanhiso ak'okuja. Olwo nze Musengwa Katonda waimwe ndidha kubaidhukiranga mbawonie abazigu abo.

1 Ab'e Korintho 15:52

mu kaseera akatonioli ng'oti kutemya na kuzibula. Endeka bw'erivuga n'abafu balizuukizibwa nga tibakairayo kufa kabiri, olwo ife twafuuka bufuuke.

Yoshua 6:20

Kale bakabona baafuuwa endeka. Era abantu olwawulira endeka baaleekaana inho n'amaani, ebimante ebyali byezungulwire ekibuga byagwa byonabyona ku itaka. Olwo abantu bangira mu kibuga butereevu okuva buli muntu ghe yali, baakigema.

Yoshua 6:4

Bakabona musanvu, nga buli muntu agemye endeka eyakolebwa mu iyiga ery'entaama, baidha kukulemberamu Sanduuku y'Endagaano. Ku lunaku olwomusanvu mulyezungulula ekibuga emikuzi musanvu nga bakabona bafuuwa endeka.

Abalamuzi 3:27

Bwe yatuuka eyo mu kiketezo eky'ensozi ekya Efuraimu, yaafuuwa endeka okweta Abaisiraeli. Yaabakulembera, baaserengeta naye okuvaayo.

Abalamuzi 6:33

Agho Abamidia boonaboona, n'Abamaleki, n'abatyamye ab'e buvandhuba, beesoloza. Baasomoka omwiga Yorudani, baasimba weema dhaibwe mu kyetebwa Ekiiko ky'e Yezireeli.

Abalamuzi 7:7

Agho Musengwa Katonda yaakoba Gideoni ati: “Ndidha kubanunula nga nkozesa abasaadha abo ebikumi ebisatu abakombye amaadhi, nkughe okughangula Abamidia. Abandi boonaboona, bakobe buli muntu aireyo ewaibwe.”

Abalamuzi 7:9

Mu bwire obwo, Musengwa Katonda yaakoba Gideoni ati: “Situka, oje olumbe Abamidia mu weema dhaibwe mbakughaire obaghangule.